TRÁFICO
As rúas República do Salvador e Xeneral Pardiñas serán peatonais o sábado 10 e o domingo 11
Esta fin de semana dúas rúas centrais do Ensanche estarán libres de coches; deste xeito, os composteláns poderán pasear por República do Salvador e Xeneral Pardiñas sen preocuparse dos vehículos. O concelleiro de Tráfico, Albino Vázaquez, deu detalles da medida, que busca humanizar a zona nova e dinamizar o seu comercio, en rolda de prensa.
CULTURA
Seis compañías galegas no X Festival de Teatro Afeccionado Agustín Magán
Presentárono en rolda de prensa o director-xerente do Auditorio de Galicia, José Víctor Carou; a presidenta de Fegatea, Chelo Pampillón; o vicepresidente, José León; e o director de Agadic, Juan Carlos Fernández Fasero. Ademais, Fegatea celebra tamén as VI Xornadas de Teatro que serán os días 9 e 10 na Cidade da Cultura, lugar onde tamén se poderá ver a Exposición do X Aniversario da Federación.
