BENESTAR SOCIAL
Nova edición do curso "Arte e saúde: arteterapia", dirixido desta vez a nenos
Vén de iniciarse unha nova entrega do curso Arte e saúde: arteterapia, organizado pola Concellaría de Familia, Benestar Social, Muller e Emprego a través do Centro de Información ás Mulleres (CIM), e subvencionado pola Secretaría Xeral de Igualdade da Consellería de Presidencia, Administracións Públicas e Xustiza da Xunta de Galicia e polo Fondo Social Europeo. Se noutras ocasións este tipo de curso dedicouse a distintos colectivos de mulleres, desta vez diríxese a nenos e nenas.
FACENDA
A Concellería de Facenda implantará o pago fraccionado dos impostos municipais
A concelleira de Facenda e Orzamentos, Cecilia Sierra, anunciou que o Goberno municipal está xa barallando a posibilidade de establecer o pago do Imposto de Bens Inmobles (IBI) no mes de maio, e non a finais de ano como actualmente. Ademais, permitirase o pago fraccionado do imposto.
EMPREGO
Confirmadas xa máis de 100 ofertas de traballo na I Feira Internacional de Emprego
A Concellaría de Familia, Benestar Social, Muller e Emprego de Santiago de Compostela, organizadora da primeira edición da Feira Internacional de Emprego (FIE) en colaboración coas entidades asinantes do Pacto Local polo Emprego (PALE), que terá lugar os días 3 e 4 de novembro no pavillón Multiusos Fontes do Sar, conta xa cos primeiros datos de participación, tanto no referido a demandantes de emprego como a empresas ofertantes de postos de traballo.
