Noticias

A Xunta de Goberno aprobou hoxe o procedemento para a selección das persoas participantes no programa "Impulsa", que permitirá mellorar a empregabilidade de 85 mozos e mozas no sector das Tecnoloxías da Información e da Comunicación. As persoas interesadas en participar nas probas de selección deberán inscribirse na web da Axencia Local de Colocación.

O Goberno local está a estudar todas as opcións para garantir a estabilidade da Escola Municipal de Música a longo prazo, "mantendo o compromiso da estabilidade do persoal e da pervivencia do actual modelo educativo". O alcalde, Martiño Noriega, explicou que a Xunta de Goberno vén de "suspender temporalmente o procedemento de licitación do servizo e de iniciar a declaración de lesividade do prego de condicións do concurso, ao entender que puido haber un erro de cálculo no estudo económico que motivou a...

O alcalde e todos concelleiros e concelleiras do grupo de Goberno mantiveron hoxe o primeiro encontro "Ao vivo" do novo curso, desta vez no Centro Cívico de Vista Alegre-Romaño, coa veciñanza destes barrios. A cidadanía expresou as súas demandas, relacionadas fundamentalmente co mantemento, a conservación das zonas verdes e a dotación de parques infantís.

A compactadora de lixo instalada en Fonseca para darlle servizo fundamentalmente ao sector hostaleiro do Franco e da Raíña recolleu máis de 180 toneladas de lixo entre xaneiro e agosto. Son 30 toneladas máis que no mesmo período do ano anterior.

A edila de Deporte, Noa Morales, presentou esta mañá o I Torneo Internacional Feminino de Fútbol Gaélico, que se celebrará este sábado a partir das 15:30 horas no campo municipal das Cancelas. Na rolda estivo acompañada polo presidente do Estrela Vermelha, Brais Prieto, e polas xogadoras Ánxela Estévez e Uxía Castro.

A concelleira de Políticas Sociais, Diversidade, Saúde e Centros Cívicos, Concha Fernández, acudiu esta mañá ao terceiro dos batidos sinérxicos, o "Batido Morado! Un esencial para coidarnos e cooperativizar os coidados", que se celebrou na sede da cooperativa Gaia dos Nenos, situada en Santiago de Guayaquil, 6.

O Goberno local participará este venres 14 de setembro nun novo encontro "Ao vivo", desta vez no Centro Cívico Vista Alegre-Romaño, dirixido á veciñanza destes barrios. Á xuntanza asistirán o alcalde, Martiño Noriega, e todos os concelleiros e concelleiras do Goberno.

Este sábado, 15 de setembro, celebrarase a terceira edición da romaría rock Rock Is Dead Fest. No parque de Belvís, ás 12:30 horas, arrincarán máis de 12 horas de música en directo con bandas e artistas galegos; todo isto aderezado con actividades infantís, talleres deportivos e literarios, mercadiño e por polvo e churrasco. A entrada ao festival é de balde.

A Real Filharmonía de Galicia ten entre as súas prioridades achegar a orquestra e a música clásica a toda a cidadanía. Así, ao longo desta temporada están previstas unha serie de actuacións na rúa e noutros espazos diferentes á sede da orquestra, o Auditorio de Galicia. Nesta liña, a RFG iniciou este pasado mércores un ciclo de concertos gratuítos, na súa maioría ao aire libre, en barrios emblemáticos da cidade, todos eles baixo a batuta do xove mestre polaco Jan Wierzba.

O Salón Nobre do Pazo de Raxoi acolleu o sorteo de emparellamentos da Supercopa Endesa, que se disputará en Santiago os próximos 21 e 22 de setembro. Barça Lassa e Kirolbet Baskonia abrirán a competición ás 19:00 horas do venres, mentres que Monbus Obradoiro e Real Madrid xogarán a segunda semifinal a partir das 21:30 horas.