LINGUA
Comezan os obradoiros de acollemento lingüístico organizados polo Concello de Santiago
Bélxica, Colombia, Estados Unidos, India, Filipinas ou Irán son algúns dos lugares de procedencia das persoas que este mércores, 20 de setembro, comezan ou seu achegamento inicial á lingua e cultura galegas da man dos obradoiros de acollemento lingüístico que organiza o Departamento de Lingua do Concello de Santiago.
CONSORCIO
O IDIS e a Real Filharmonía de Galicia impulsan unha nova edición de Sensoxenoma
O venres 29 e sábado 30 de setembro celebraranse dous concertos no Auditorio de Galicia nos que se continuará co estudo iniciado o pasado ano. A primeira edición de Sensoxenoma ofreceu resultados sorprendentes que axudan a entender por primeira vez obxectivamente o efecto beneficioso da música nas persoas con deterioro cognitivo.
CIDADES PATRIMONIO
Éxito da Noite do Patrimonio nas Cidades Patrimonio da Humanidade de España no 30 aniversario do Grupo
Miles de persoas asistiron a este evento cultural único en Europa coincidiu coa celebración do XXX Aniversario da creación do Grupo e a aprobación do manifesto que afronta os grandes retos e desafíos para as próximas décadas. A Asemblea celebrada en Ávila aprobou conceder o prestixioso Premio Patrimonio 2024 á cidade de Marrakech, "para expresar a nosa solidariedade e o noso apoio non só a unha cidade extraordinaria, senón a todo o pobo marroquí", afirmou o presidente.
XUNTA DE GOBERNO
O Concello aproba a convocatoria de axudas para a rehabilitación de vivendas en Vite e na cidade histórica
A Xunta de Goberno Local deu luz verde á convocatoria de subvencións por máis de 750.000 euros para a rehabilitación de edificios e vivendas no barrio de Vite e na cidade histórica ao abeiro do Plan Estatal de Vivenda 2018-2021. Nesta mesma sesión adxudicáronse as obras de repavimentación da praza da Nosa Señora da Mercé de Conxo por 111.522 euros.
CONSORCIO
A exposición 'Lorca en Compostela' recibiu en dous meses preto de 13.000 persoas
Converteuse xa na mostra máis visitada desde a apertura da Casa do Cabido como sala de exposicións. Agárdase incrementar estas cifras coas visitas dos grupos escolares a partir deste mes
ALCALDÍA
O Goberno local de Santiago mantén unha reunión co Goberno da Deputación para analizar proxectos de colaboración
A alcaldesa, Goretti Sanmartín, e o presidente da Deputación, Valentín Formoso, mantiveron un encontro para facer seguimento dos proxectos de colaboración entre ambas as institucións. Na xuntanza tamén estiveron a primeira tenenta de alcaldesa, María Rozas, e o vicepresidente provincial, Xosé Regueira.
SUSTENTABILIDADE AMBIENTAL
Activado o plan de renovación de illas soterradas de residuos
Este verán procedeuse á renovación de 15 illas soterradas de recollida selectiva de residuos de vidro, papel e envases. Ademais, incorporaranse colectores específicos en superficie para a fracción orgánica de residuos sólidos urbanos (FORSU), a carón deles, para evitar os problemas de lixiviados que deterioraban o sistema hidráulico. Con esta intervención, facilítaselle o depósito de residuos á veciñanza e, ao mesmo tempo, axilízase o mecanismo de funcionamento.
CENTROS SOCIOCULTURAIS E CAPITAL CULTURAL
Cornes conmemora o 150 aniversario da primeira liña ferroviaria de Galicia
Os concellos de Santiago e de Vilagarcía celebraron esta mañá un acto institucional conxunto con motivo do 150 aniversario da posta en marcha da primeira liña ferroviaria galega que uniu Cornes, no barrio de Conxo, con Carril. Durante o acto, a alcaldesa de Santiago, Goretti Sanmartín, e a tenenta de alcalde de Vilagarcía, Tania García, inauguraron unha exposición sobre a historia do tren en Galicia e descubriron unha escultura dun cambio de agullas para homenaxear o mundo ferroviario.
ALCALDÍA
Recepción á embaixadora de Croacia en España
A alcaldesa de Santiago, Goretti Sanmartín, recibiu esta mañá no Pazo de Raxoi á embaixadora de Croacia en España, Nives Malerica.
XUVENTUDE
Sete grupos residentes dos locais de ensaio do Centro Xove mostrarán o seu talento no II Festival Lanzadeira CX
A praza 8 de Marzo acollerá o próximo sábado o II Festival Lanzadeira CX, un concerto que tén como obxectivo darlle visibilidade ás bandas residentes dos locais municipais de ensaio do Centro Xove da Almáciga. A concelleira de Dereitos e Servizos Sociais, Promoción Económica e Xuventude, presentou o cartaz, do que forman parte sete grupos "integrados por xente moi nova, de estilos diversos, e todos eles cun enorme potencial". María Rozas estivo acompañada polo docente responsable do Lanzadeira, Guillermo Vistoso.