ALCALDÍA E POLÍTICAS SOCIAIS
O Concello asina un convenio con FEAFES para a cesión de tres vivendas
O alcalde de Santiago, Martiño Noriega, asinou esta mañá un convenio coa Federación de Asociacións de Familiares e Persoas con Enfermidades Mentais (FEAFES), representada polo seu presidente, José Ramón Girón. Esta entidade é unha das que participa na Mesa de traballo e coordinación sobre as persoas sen teito.
CONVIVENCIA
Compostela celebrará a noite de San Xoán con máis de 60 cacharelas públicas
Santiago vai celebrar por todo o alto a noite de San Xoán, e como é habitual serán centos as cacharelas públicas e privadas que se celebrarán por todo termo municipal. O concelleiro de Medio Ambiente e Convivencia deu conta hoxe das autorizacións tramitadas, nunha rolda de prensa na que o xefe dos Bombeiros lembrou a importancia de cumprir as normas de seguridade para estas fogueiras.
CONSORCIO
Este domingo, último día para percorrer a exposición de fotografías de Xurxo Lobato sobre Rosalía de Castro na Casa do Cabido
Baixo o título Airiños Aires, Rosalía, a Casa do Cabido, na praza das Praterías, acolle dende principios de abril unha exposición de instantáneas na que o fotógrafo Xurxo Lobato rende homenaxe á ilustre poetisa. Este domingo, 26 de xuño, é o último día para percorrer a mostra, en horario de 10:00 a 14:00 e de 17:00 a 21:00 horas e o domingo de 11:00 a 14:00 horas. Durante estes meses visitaron a exposición unhas 5.500 persoas.
TURISMO
Marta Lois apunta o turismo deportivo como alternativa á estacionalidade
A concelleira de Desenvolvemento Económico e Turismo, Marta Lois, asistiu no Pazo de Altamirá á presentación dunha tese doutoral sobre o gasto que realizan os asistentes aos partido do Obradoiro. O estudo, realizado por Jesyca Salgado, profesora do Máster en Xestión Empresarial do Deporte da Universidade de Vigo, leva por título Repercusión do turismo de eventos deportivos dende a óptica dos patróns de gasto e o impacto económico: aplicación a unha liga profesional e está baseado nos partidos...
DEPORTE
Un total de 480 persoas participará esta fin de semana en Santiago no III Jamboree Nacional Minibasket de Clubs
O concelleiro de Deporte, Rafael Peña, presentou esta mañá a II edición do Jamboree Nacional Minibasket de Clubs, que se celebrará do 23 ao 26 de xuño nos pavillóns do Restollal e Monte dos Postes. Na rolda estivo acompañado do presidente da Federación Galega de Baloncesto, Francisco Martín, e da secretaria da entidade, Susana Fernández.
ESPAZOS CIDADÁNS E MOBILIDADE
Jorge Duarte preséntalle á veciñanza o proxecto de peonalización de San Pedro
O concelleiro de Espazos Cidadáns, Dereito á Vivenda e Mobilidade presentoulle onte á veciñanza de San Pedro o proxecto de peonalización da rúa principal do barrio, que entrará en vigor o un de xullo. Foi nunha xuntanza celebrada na Casa da Xuventude, e que contou coa participación de máis de 60 persoas.
DEPORTE
A Peña Ciclista Amigos de Santiago, da cidade de Ávila, un ano máis en Compostela
O concelleiro de Deporte, Rafael Peña, xunto con outros membros da Corporación, recibiu no salón vermello de Raxoi os integrantes da Peña Ciclista Amigos de Santiago, da cidade de Ávila, ao concluír unha nova edición da súa ciclomarcha a Compostela.
CONVIVENCIA
Obradoiro de graffiti para o alumnado do IES Antón Fraguas no marco do plan "Rúas"
O IES Antonio Fraguas, en Fontiñas, será escenario mañá mércores dun novo obradoiro de graffiti, enmarcado no plan Rúas. O taller será impartido pola asociación Vella Escola, a partir das 10:45 horas, e está dirixido ao alumnado do instituto. Este é o terceiro obradoiro deste tipo, despois dos celebrados con éxito no Centro Sociocultural de Vite e no centro comercial Área Central.
COMERCIO
O Concello lanza a campaña "Con B de Barrio" para dinamizar o pequeno comercio e fomentar o asociacionismo
A concelleira de Igualdade, Desenvolvemento Económico e Turismo, Marta Lois, presentou hoxe unha nova iniciativa para a dinamización do pequeno comercio que se desenvolve dende o Departamento de Comercio.
FACENDA
Arrincan os Orzamentos Participativos
O punto de lanzamento dos Orzamentos Participativos, que permitirá escoller á cidadanía de Compostela en que quere investir 1.100.000 euros do orzamento total municipal para 2017, será o martes 28 de xuño na Casa das Asociacións de Cornes, a partir das 20:00 horas, na sala multiúsos do andar superior. Trátase da primeira xuntanza do grupo motor, que se artellará arredor do tecido asociativo compostelán e do Consello de Relacións Veciñais, pero aberto á incorporación de persoas a título...