Noticias

A concelleira de Educación, Rebeca Domínguez, visitou os centros educativos onde se está a desenvolver o programa de conciliación familiar e laboral Escolas de Verán 2012, no que están inscritos máis de 225 nenos e nenas. Primeiro achegouse ata o CEIP Fontiñas e logo ao CEIP Ramón Cabanillas e ao CEIP Raíña Fabiola.

O alcalde compostelán, Ángel Currás, vén de trasladar ao adestrador do Obradoiro, Moncho Fernández, a petición formal para que sexa o pregoeiro das Festas do Apóstolo.

O 25 de xuño rematou o prazo de presentación de solicitudes para participar nas actividades matinais organizadas dentro do programa Vive o verán. En particular, destaca a boa acollida das actividades propostas para as parroquias do rural, xa que se cubriron as 90 prazas ofertadas.

Os novos horarios de verán do servizo de transporte urbano entrarán en vigor o domingo 1 de xullo e estenderanse ata o 9 de setembro.

O Festival Vía Stellae chega neste ano á súa sétima edición, que se celebrará do 2 ao 13 de xullo en diferentes lugares de Santiago de Compostela. En total, serán 20 eventos musicais que terán como eixe central a música antiga e barroca, pero sen esquecer outras épocas e xéneros, prestando unha atención moi especial á música contemporánea e á creación actual, especialmente aos autores da nosa terra. O programa completo foi presentado na Casa do Concello polo alcalde de...

A Mesa do Comercio compostelán, composta polas administracións e polo axentes vinculados co sector comercial da cidade, reuniuse no Pazo de Raxoi para informar sobre os proxectos de dinamización comercial presentados polas asociacións comerciais da cidade. Segundo a normativa que regula as Mesas Locais de Comercio, é obrigatorio que informen sobre todos os proxectos de dinamización comercial que perciban fondos públicos de calquera administración.

O alcalde compostelán, Ángel Curras, e concelleira de Mercados, Reyes Leis, recibiron a Plataforma cidadá de apoio á Feira de Amio. Aos seus integrantes, o rexedor municipal reiteroulles a vontade municipal de que "si se levan a cabo os investimentos necesarios e si existe flexibilidade por parte dos gandeiros, a feira pode continuar en Santiago sen ningún problema".

A concelleira de Facenda e Orzamentos, Cecilia Sierra, presentou a liquidación do orzamento de 2011, tras pasar o documento pola Comisión Informativa de Presidencia, Réxime Interior e antes de dar conta do mesmo nun Pleno previsto para o xoves 28. A liquidación municipal 2011 deixa un resultado orzamentario de 6.013.631 euros e un remanente negativo de tesourería de 1.401.111 euros.

Turismo de Santiago participa na City Fair de Londres, un evento para empresas do sector turístico europeo organizado pola Asociación Europea de Touroperadores. A City Fair celébrase nesta xornada no estadio de Wembley. Aínda que o evento conta cunha importante presenza de participantes do sector británico, hai tamén empresas de máis de 25 países europeos.

Case un centenar de xadrecistas de toda Galicia déronse cita no Centro Sociocultural fas Fontiñas para participar no IV Encontro Interxeracional de Xadrez. O concelleiro de Centros Socioculturais, Francisco Noya, asistiu ao evento