Noticias

O presidente da Federación Galega de Municipios e Provincias (FEGAMP), Carlos Fernández, e o Grupo de Traballo Concellos e Educación presentaron en Santiago a I Xornada Técnica sobre Concellos e Educación en Galicia. Celebrarase o vindeiro 24 de marzo no Palacio de Congresos e Exposicións de Galicia.

O Centro Estatal de Formación en Rehabilitación da Fundación Laboral da Construción terá a súa sede en Santiago de Compostela, cidade exemplo de boas prácticas no ámbito da conservación do patrimonio.

A concelleira de Cultura e Centros Socioculturais, Socorro García Conde, e o director-xerente do Auditorio de Galicia, Paulo Rodríguez, presentaron a programación cultural do mes de marzo, na que destacan o programa de abono do Auditorio, Ana Moura en Sons da Diversidade e dous espectáculos de SCQ Danza.

O concelleiro de Promoción Económica, Emprego, Comercio e Turismo, Xosé Manuel Iglesias, presentou en rolda de prensa as bases que rexerán a selección dos comercios homenaxeados na recepción que se celebrará o día 8 de abril no pazo de Raxoi. O obxectivo principal desta distinción é recoñecer o labor dos comercios homenaxeados, a súa traxectoria ao servizo da clientela e a achega realizada ao sector comercial, un dos motores da economía compostelá, así como a dinamización e a...

O alcalde compostelán, Xosé A. Sánchez Bugallo, acompañou ao ministro de Fomento, José Blanco nunha visita ás obras de construción dos accesos a Santiago na Liña de Alta Velocidade Ourense-Santiago e ás do túnel do Hórreo.

O alcalde compostelán, Xosé A. Sánchez Bugallo, acompañado pola concelleira de Medio Ambiente, Elvira Cienfuegos, visitou as obras de mellora realizadas na Finca de Vista Alegre. A intervención permitiu acondicionar o pavimento e os accesos á finca, axardinando os límites do espazo de entrada e o resto da parcela, en mal estado polo estacionamento indiscriminado de vehículos sobre eles.

A concelleira de Circulación Viaria, Marta Álvarez-Santullano, explicou en rolda de prensa as características do prego de condicións ao que se terán que ater as empresas que se queiran facer cargo da concesión do servizo de ordenación, regulación e aparcamento de vehículos (ORA) e da retirada, traslado e depósito de vehículos (grúa). A concesión farase por cinco anos, prorrogables por outros tres.

A Xunta de Goberno, na súa sesión ordinaria, aprobou, entre outros asuntos, o proxecto para a reparación de diversas cubertas do Auditorio de Galicia. Tamén se deu o visto bo ao orzamento das festas do Antroido e ás retencións de crédito correspondentes aos programas de axudas sociais en 2011.

O Consorcio de Santiago, no marco das súas políticas de recuperación do patrimonio histórico da cidade, decidiu renovar parte da cuberta do mosteiro de San Martiño Pinario. As obras afectarán a unha superficie de 600 metros cadrados correspondente ao tellado dun dos corpos do patio norte, situado na parte posterior á igrexa e contiguo á horta do convento. Ademais aproveitarase para realizar traballos de limpeza na fachada da mesma zona.

O alcalde e presidente do Consorcio de Santiago, Xosé A. Sánchez Bugallo, recibiu no Pazo de Raxoi a unha delegación da Axencia Estatal Consello Superior de Investigacións Científicas. Na xuntanza puideron observar a maqueta do futuro Instituto de Ciencias do Patrimonio, que estará no espazo verde das Brañas de Sar e cuxa construción foi promovida dende o Consorcio, que convocou un concurso para elixir o proxecto arquitectónico de maior calidade.