RELACIÓNS INSTITUCIONAIS
Santiago de Compostela participa nun encontro internacional de cidades irmandadas con Coimbra
Coimbra recibiu os días 13 e 14 de xuño delegacións de nove cidades irmandadas con esta cidade portuguesa. Representando a Santiago asistiu o terceiro tenente de alcalde e concelleiro de Relacións Institucionais, Francisco Noya. Tamén participaron as cidades de Aix-en-Provence (Francia), Beira (Mozambique), Damão (Índia), Esch-sur-Alzette (Luxemburgo), Fez (Marrocos), Santa Clara da California (USA), Mindelo (Cabo Verde) e Yaroslavl (Rusia).
ALCALDÍA
O príncipe herdeiro de Xapón, Naruhito, visitou o Concello de Santiago
O alcalde compostelán, Ángel Currás, recibiu a SAI o príncipe herdeiro de Xapón, Naruhito, co que mantivo un breve encontro en Raxoi. O alcalde acompañou á Súa Alteza Imperial en toda a súa estadía en Santiago.
SANIDADE
Uns peregrinos moi especiais na busca dun fogar uníronse a Romaría Pop
Por cuarta vez, os cans residentes no Refuxio de Bando, xunto con voluntarios e padriños realizaron a última etapa do Camiño de Santiago, para dirixirse logo ao Parque de Belvís. Alí, como novidade e no marco da Romaría Pop, houbo unha Pasarela de Adopción dos cans participantes e un posto informativo.
