DEPORTES
Uns 100 deportistas participarán no Restollal no V Trofeo de Judo Cidade de Santiago
O concelleiro de Deportes, Adrián Varela, presentou o V Trofeo de Judo Cidade de Santiago (Campionato de España Júnior Fase Sector Oeste), que se disputará o sábado 9 de marzo, a partir das 16:30 horas, no pavillón do Restollal. Uns 100 judokas en idade sub-21, en categorías masculina e feminina, de Galicia, Castela e León, Cantabria e Asturias competirán nesta proba.
ALCALDÍA
O Nobel de Física Anthony James Leggett visitou o Concello antes da inauguración do VIII Programa ConCiencia
O alcalde compostelán e presidente do Consorcio, Ángel Currás, recibiu en Raxoi a Sir Anthony James Leggett, Premio Nobel de Física 2003, quen asinou no Libro de Honra da cidade. O científico está en Compostela para inaugurar a oitava edición do Programa ConCiencia, acción de divulgación científica organizada polo Consorcio de Santiago e a USC.
XUNTA DE GOBERNO
A Xunta de Goberno dá o visto bo ao Plan Parcial do Muíño de Vidán
A Xunta de Goberno, na súa sesión ordinaria, deu o visto bo á aprobación inicial do Plan Parcial do SUD-11 do Muíño de Vidán. Ademais, aprobáronse os actos con motivo do Día do Árbore e deuse conta da recepción das hortas de Fontiñas.
PARTICIPACIÓN CIDADÁ E CENTROS SOCIOCULTURAIS
Continúan as rutas didácticas do programa "Cultura Viva. Fai túa Compostela"
Para o sábado 9 de marzo está previstas unha novas ruta didáctica do programa Cultura Viva. Fai túa Compostela, promovido pola Concellaría de Centros Socioculturais e Participación Cidadá.
CULTURA
Festival Internacional de Narración Oral Atlántica no ciclo Falabaratos
O Día da Muller Traballadora tamén ten o seu espazo en Atlántica, o festival internacional de narración oral que se celebra en Galicia estes días. Este venres 8, a partir das 21:00 horas, o Teatro Principal de Santiago acollerá unha gala especial dedicada á muller na que participarán 17 contacontos de diversas nacionalidades.
