EDUCACIÓN
Un programa pedagóxico promove a posta en valor das 13 cidades Patrimonio da Humanidade entre os seus escolares
A Concellería de Educación propón aos centros escolares do municipio con alumnado de 6º de Primaria e de Secundaria a participación no programa A escola adopta un monumento. O patrimonio como recurso educativo, unha iniciativa que pretende dinamizar o coñecemento do patrimonio histórico, arquitectónico e natural das 13 cidades membros do Grupo de Cidades Patrimonio da Humanidade de España: Santiago de Compostela, Alcalá de Henares, Ávila, Cáceres, Córdoba, Cuenca, Ibiza, Mérida, Salamanca,...
COMERCIO
O pequeno comercio compostelán presenta este sábado as súas coleccións outono-inverno na xornada "Estrea Estilo!"
Trinta e catro establecementos comerciais da cidade participarán este sábado, 19 de outubro, na iniciativa Estrea Estilo!. Nesta xornada de dinamización, o pequeno comercio compostelán presentará, exhibirá e venderá as novas coleccións outono inverno 2013-2014 en diversos espazos do Hotel Eurostars Araguaney. O evento celebrarase o sábado 19 de outubro, de 10:00 a 15:00 e de 16:00 a 21:00 horas.
BENESTAR SOCIAL
O Concello destina case 400.000 euros a subvencións para entidades sociais da cidade
A concelleira de Benestar Social, María Castelao, asinou seis convenios de colaboración con entidades sociais: Asociación Compostelá de Esclerose Múltiple (ACEM), Voluntarias da Caridade-San Vicente de Paúl, Cociña Económica, Cáritas Diocesana de Santiago (Programa Vagalume), Federación de Asociacións de Familiares e Persoas con Enfermidade Mental de Galicia (FEAFES Galicia) e Asociación Fonte da Virxe de Familiares e Amigos de Enfermos Mentais. Estes seis acordos supoñen unha achega municipal aos...
XUNTA DE GOBERNO
Iníciase o procedemento para dotar de novas áreas infantís as prazas de Galicia e de Vigo
A Xunta de Goberno, na súa sesión ordinaria, aprobou o inicio do expediente de contratación das obras e subministro de equipamento para as áreas infantís da praza de Galicia e da praza de Vigo. Tamén se adxudicaron sete das obras en parroquias do rural do Plan de Obras e Servizos (POS 2013) da Deputación da Coruña.
TURISMO
Turismo de Santiago promociona a cidade na feira profesional máis importante de Italia
Turismo de Santiago promocionará a cidade na feira turística destinada ao público profesional máis importante de Italia, a TTG Incontri, que terá lugar en Rimini entre o 17 e o 19 de outubro. A feira constitÚe o maior foro de contratación do sector turístico italiano, xa que nela participan a maior parte dos operadores turísticos do país. No ano 2012 contou con máis de 50.000 asistentes profesionais, dos cales o 60% eran axentes de viaxes.
DEPORTES
Recepción ao Arteal Tenis de Mesa
O alcalde compostelán, Ángel Currás e o concelleiro de Deportes, Adrián Varela, recibiron os integrantes do club Arteal Tenis de Mesa.
XUVENTUDE
Continúa no IES de Sar o Obradoiro de Iniciación á Pintura Paisaxística
A concelleira de Xuventude, Rebeca Domínguez, visitou o Obradoiro de Iniciación á Pintura Paisaxística, que se desenvolve no IES de Sar. Dezaoito mozos e mozas participan neste curso, impartido polo artista Xoty de Luis e que comezou o 10 de outubro.