PARTICIPACIÓN CIDADÁ E CENTROS SOCIOCULTURAIS
A Concellería de Participación Cidadá e Centros Socioculturais executou o 100% do seu orzamento de 2012
O concelleiro de Participación Cidadá e Centros Socioculturais, Francisco Noya, deu conta das últimas obras do seu departamento, coas que se completou a execución ao 100% do orzamento de 2012. Entre estas actuacións de remate de exercicio salientan a reparación integral do CSC de San Lourenzo e o arranxo de ordenadores en toda a Rede de Centros Socioculturais.
DEPORTES
Mil atletas competirán no Monte do Gozo no Campionato Galego de Cross
O circuíto do Monte do Gozo será a sede do Campionato Galego de Cross Curto, do Campionato Galego Cadete e Xuvenil de campo a través e o Memorial Alejandro Lorenzo. Uns mil atletas competirán nesta proba, que se disputará durante a mañá do domingo 20 de xaneiro. Santiago será tamén a sede, xa o 17 de febreiro, do II Cross de Compostela.
CULTURA
Trece propostas teatrais no avance de programación do ciclo Teatro & Danza
O director-xerente do Auditorio de Galicia, José Víctor Carou, presentou un avance da programación do ciclo Teatro & Danza para os meses de xaneiro a maio, que se completará con máis obras que se darán a coñecer nos vindeiros días. Desta vez presentou 13 obras teatrais (34 funcións), ás que se engaden funcións escolares de seis destas obras e a presentación en sesión de microteatro doutras dúas. A maior parte desta programación desenvolverase no Teatro Principal e na Zona C de Bonaval,...
