Noticias

O próximo martes día 19 de xuño de 2012 someterase a ditame da Comisión Informativa de Facenda o orzamento do exercicio 2012 e prevese a súa aprobación no Pleno a celebrar o vindeiro venres 22.

O alcalde compostelán, Ángel Currás, acompañado polos concelleiros de Medio Rural, Luis Bello, e de Participación Cidadá, Francisco Noya, visitou os lavadoiros de Vilar de Outeiro-Verdía e da Peregrina, e o campo da festa de Figueiras tras as obras de restauración e reforma realizadas. Nestas tres actuacións, realizadas en contacto directo cos veciños, investíronse 47.300 euros.

Ponse en marcha o I Circuíto de Carreiras Saudables CorreSAN, un programa de probas de carreiras a pé organizadas pola Concellería de Deportes. Serán catro carreiras que teñen o obxectivo de animar a grandes e pequenos a realizar unha actividade física saudable e mellorar así a súa calidade de vida.

O alcalde compostelán, Ángel Currás, e a concelleira de Educación, Rebeca Domínguez, recibiron 120 alumnos e alumnas de cinco institutos de Sevilla, Tenerife, Córdoba, Olot (Girona) e Berga (Barcelona). Participan no proxecto Con mirada matemática, no marco do programa ARCE, convocado polo Ministerio de Educación, Política Social e Deportes.

O retrato de Dorian Grey pecha a programación deste curso de Teatro&Danza, ciclo da Concellaría de Cultura. Será o martes 19 e o mércores 20 de xuño no Teatro Principal. As entradas, 12 € (9 € no anfiteatro) poden mercarse na billeteira do Teatro Principal, que permanece aberta de 18:00 a 21:00 horas de martes a sábado (+ días de espectáculo).

O alcalde compostelán e copresidente da Fundación Granell, Ángel Currás, e o concelleiro Francisco Noya asistiron no Pazo de Bendaña á reunión do padroado da entidade.