Noticias

A Concellería de Centros Socioculturais apoia e colabora un ano máis no Outono Fotográfico, iniciativa xurdida hai 30 anos da man do falecido Benito Losada. Xosé Lois Vázquez, en colaboración con Víctor Nieves, son actualmente os directores deste certame. A edición deste ano deu como resultado 118 exposicións, repartidas en 90 salas en toda Galicia. Cinco delas exhíbense en centros socioculturais da cidade.

O Consello de Relacións Veciñais, deu o seu apoio unánime ao traslado da pista de xeo da praza da Quintana á Alameda compostelá. A concelleira de Turismo e Comercio, Reyes Leis, foi a encargada de explicar aos representantes veciñais esta decisión do Goberno municipal na última sesión ordinaria do Consello, na que tamén se deu conta dun avance da programación prevista para o vindeiro Nadal.

Representantes da innovación reuníronse no Edificio CERSIA con motivo do acto de presentación da Asociación de Xestores de Innovación de Galicia. O acto inaugural contou coa asistencia do concelleiro Francisco Noya; do presidente da Asociación de Xestores de Innovación de Galicia (AXIGA), Ángel Pereira; e de Benito Fernández, da Axencia Galega de Innovación.

O Equipo de Dinamización Social Urbana Santiago Norte – Servizos Sociais organizou en colaboración co persoal do Centro Sociocultural de Vite a súa particular noite de Samaín coa celebración de actividades interxeneracionais que converteron o centro nun "terrorífico" escenario.

O sábado 3 de novembro, a partir das 16:00 horas, Área Central será escenario do Campionato Galego de Breakdance "Santiago Street Battles", organizado por Vella Escola coa colaboración do centro comercial e do Concello de Santiago. Este proxecto pretende ser unha alternativa de ocio saudable acorde coas inquedanzas e intereses da xuventude actual.

Turismo de Santiago promocionará a cidade na World Travel Market, a feira turística máis importante do mercado británico, que terá lugar en Londres entre o 5 e o 8 de novembro. Nesta feira participan máis de 45.000 profesionais do sector, con máis de 2.500 xornalistas internacionais rexistrados. Turismo de Santiago ten xa pechadas múltiples reunións con axencias e touroperadores, que amosaron o seu interese na cidade a través da plataforma privada da propia feira.

O concelleiro de Medio Rural, Luis Bello, deu conta en rolda de prensa da inminente execución da fase de desbroces nas pistas asfaltadas do rural, unha vez rematados os traballos realizados nas pistas forestais. Tamén informou do comezo das obras do Plan de Obras e Servizos da Deputación da Coruña (POS 2012).