Noticias

Clausurouse o Curso de Autoprotección ante a Violencia de Xénero que a Concellaría de Familia, Benestar Social, Muller e Emprego, a través do Centro de Información á Muller (CIM), e no marco do acordo de colaboración asinado entre a Secretaría Xeral da Igualdade da Xunta de Galicia e a Federación Galega de Municipios e Provincias de Galicia, organizou durante os días 7, 9, 12 e 14 de novembro. Asistiron 17 mulleres.

A Concellería de Centros Socioculturais oferta un ano máis nas datas das vacacións escolares de Nadal un programa educativo de tempo libre que se desenvolverá nas mañás dos días 26, 27, 28 de decembro e 2, 3 e 4 de xaneiro, con horario de conciliación para as familias compostelás. Neste Nadal o rural tamén se incorpora a estes Campamentos Abertos de Nadal. O prazo de preinscrición comeza este venres, 16 novembro, e rematará o mércores 5 de decembro.

O alcalde, Ángel Currás, e a conselleira de Traballo e Benestar, Beatriz Mato, inaugurou o Centro Comercial As Cancelas. No acto, o rexedor compostelán lembrou a importante xeración de emprego do recinto e expresou a súa confianza en que atraia novos consumidores ao centro e a toda a cidade.

A Xunta de Goberno Local, na súa sesión ordinaria, aprobou o reparto das subvencións ao deporte federado, por un importe total de 198.000 euros, así como as destinadas ás asociacións veciñais, cun reparto final de 71.596 euros.

Despois da súa estrea mundial hai tan só catro días no Festival de Roma, Centro Histórico chega a Cineuropa. A película, dirixida por catro mestres do cinema europeo (Pedro Costa, Víctor Erice, Aki Kaurismaki e Manoel de Oliveira) serve de marco para a entrega do Premio Cineuropa 2012 a Pedro Costa nesta XXVI edición do festival. É este un premio que posúen xa, entre outros, directores como José Luís Guerín, Manoel de Oliveira, Fernando Trueba ou Pablo Trapero e que este ano se lle entregará...