Noticias

A concelleira de Economía, Reyes Leis; o director xeral de Xuventude, Ovidio Rodeiro; e os representantes da Asociación Club Emprende MAS, Román Iglesias e Natalia Gómez, presentaron en Raxoi o seminario para emprendedores Ata onde queres chegar?, dirixido a mozos entre 17 e 35 anos, emprendedores e persoas desempregadas.

Case 60 persoas con enfermidade mental, monitores e un grupo de familiares chegaron a Santiago tras percorrer o Camiño de Santiago. Trátase dunha actividade organizada pola Federación de Asociacións de Familiares e Persoas con Enfermidades Mentais de Galicia (Feafes Galicia), que se celebra por terceiro ano consecutivo tras o éxito de participación en 2010 e 2011.

O Multiusos Fontes do Sar será a sede, o sábado 8 e o domingo 9 de setembro, da primeira ronda do torneo internacional de tenis de mesa ETTU Cup 2012, organizada polo club Arteal TM. Os seus participantes foron recibidos en Raxoi polo alcalde, Ángel Currás, e os concelleiros Adrián Varela e Amelia González.

Segundo informa TUSSA, a empresa municipal de xestión do transporte urbano en Santiago, o luns 10 de setembro producirase o cambio aos horarios de inverno no transporte urbano.

O concelleiro de Centros Socioculturais, Francisco Noya, presentou a Semana Cultural de Conxo, que xa alcanza a súa edición número 27. Do 11 ao 15 de setembro, o barrio acollerá exposicións, cine ao aire libre, xogos, obradoiros, deporte, teatro, baile, animación á lectura, itinerarios pola cidade e ata a presentación dun libro.

Turismo de Santiago desenvolverá en setembro tres accións de promoción en EEUU, Xapón e Rusia, seguindo a liña estratéxica dirixida a conseguir que o turismo internacional teña un maior peso na demanda turística da cidade.

A Xunta de Goberno, na súa sesión ordinaria, aprobou a apertura do prazo de inscrición nos servizos de comedor e de madrugadores para o curso 2012-2013 na rede de centros públicos de educación infantil e primaria do Concello. Tamén se adxudicou a xestión da Escola Infantil de Salgueiriños ata o 31 de decembro.

Áberto o prazo de inscrición nos servizos de comedor e madrugadores na rede de centros públicos de educación infantil e primaria do Concello de Santiago. Curso 2012-2013.

Logo do parón estival, o ciclo Íntimo&Acústico, da Concellería de Cultura volve cunha nova temporada cargada de música de calidade. E inaugúrase cun concerto moi especial que dará Nacho Vegas acompañado da súa banda ao completo o venres, 14 de setembro, a partir das 21:00 horas, no Teatro Principal.

O Departamento de Tráfico informa que, dende o luns 10 de setembro, os veciños da zona 4 - A Almáciga, que dispoñan da tarxeta de aparcadoiro de residente de zona verde, deberán pasar a recoller a nova tarxeta que substitúe á anterior. Ademais, recorda aos veciños das outras tres zonas con prazo xa a aberto e que aínda non recolleron as súas tarxetas, que deben pasar a retiralas.