Noticias

O festival comeza o 9 de novembro e ofrecerá máis de 150 filmes ata o 2 de decembro en diferentes seccións como vén sendo habitual. As entradas están xa á venta na web http://entradas.novacaixagalicia.es ou no 902 43 44 43 e desde o primeiro día do Festival tamén se poderán mercar no Teatro Principal. A Real Filharmonía de Galicia ofrecerá o día 11 un concerto especial no Auditorio de Galicia con música de Shostakovich sobre imaxes de "A Nova Babilonia". O concerto será de balde, ao...

A Cámara de Comercio, Industria e Navegación e o Concello de Santiago de Compostela presentaron a décimosegunda edición do Premio Manuel Beiras. No acto estiveron presentes o presidente da Cámara, Jesús Asorey; e o concelleiro de Cultura, Ángel Currás; ademais da secretaria xeral da Cámara, Filomena Casal, e o adxunto Fernando Barros. Este premio, organizado nesta ocasión pola entidade cameral, trata de recoñecer o esforzo que realizan as empresas do municipio no proceso de normalización do uso da lingua...

Tras dúas intensas xornadas de actividade, a I Feira Internacional de Emprego pechou hoxe as súas portas cun importante número de participantes e visitantes. Arredor de 2500 persoas acudiron nestes dous días en horario ininterrompido ao Multiusos Fontes do Sar, recinto onde se celebraron os procesos de selección concertados e onde se desenvolveu o programa de conferencias e obradoiros gratuítos relacionados co sector laboral. O alcalde, Xerardo Conde Roa, foi o encargado de clausurar o evento.

Os concelleiros de Participación Cidadá, Francisco Noya, e de Xuventude, Adrián Varela, presentaron en rolda de prensa, acompañados polo director xeral de Xuventude da Xunta de Galicia, Ovidio Rodeiro, a 29 edición do Outono Fotográfico, que achega seis exposicións aos centros socioculturais da cidade durante o mes de novembro.

O concelleiro de Educación, Ángel Currás, unha vez rematado o tempo para a preinscrición no programa Nadalxogo, fixo balance das cifras acadadas. O prazo para a matrícula definitiva sera do 11 ao 18 deste mes.

A primeira xornada da Feira sáldase con máis de 2000 visitas aos 37 expositores e 220 entrevistas feitas dun total de 575 persoas convocadas. As entrevistas continuarán esta tarde ata as 20.00 e mañá venres de 10.00 a 14.00. O rexedor volverá ao Multiúsos mañá para clausurar a Feira ás 13.00 horas.

Os concelleiros de Participación Cidadá, Francisco Noya, e de Deportes, Adrián Varela, presentaron o programa "Pedalea Compostela", que nace como unha opción de mobilidade cidadá e de dinamización sociocultural a través do emprego da bicicleta como medio de transporte. Na rolda estiveron acompañados por membros do Club Ciclista Aquagest, promotores da iniciativa.

A concelleira de Economía, Comercio, Turismo e Mercados, Reyes Leis, explicou aos membros do grupo de traballo "Turismo de Santiago" que dende Incolsa se considera fundamental a promoción da nova terminal do aeroporto de Lavacolla para o desenvolvemento turístico de Santiago, especialmente cara os mercados internacionais.

A República Checa será a protagonista desta fin de semana en Compostela. O programa ‘Soños de Chequia’ traerá o mellor da cultura checa á nosa cidade a través de concertos, jam sessions, cata de produtos, cinema e exposicións. Así, mañá na primeira xornada do festival, Zuzana Lapcíková Quinteto, que debuta en España, presenta, a nivel mundial, o seu último traballo, que sairá á venda a semana que vén. Será ás 21.00h no Teatro Principal e algúns dos...

O alcalde de Santiago, Xerardo Conde Roa, e o presidente da Deputación da Coruña mantiveron unha reunión de traballo na que foi a primeira visita institucional de Diego Calvo a Compostela e na que, ademais, se asinaron tres convenios para a promoción de distintas accións na cidade que ascenden a 480.000 euros. A maiores o ente provincial investirá 600.000 no Plan de Obras e Servizos e 150.000 no Fórum Gastronómico.