Noticias

Nunha viaxe organizada pola Concellería de Participación Cidadá, máis de medio centenar de veciños de Compostela, acompañados polo concelleiro Francisco Noya, desprazáronse a Valença do Minho.

O programa "Vive o Verán" achegou a tradición dos xogos populares a máis de 100 nenos da cidade. A actividade, que se levou a cabo na Casa das Asociacións de Cornes de 11:00 a 13:00 horas, foi posible grazas á colaboración prestada pola Asociación de Xogos Populares e Tradicionais.

A concelleira de Turismo, Reyes Leis; o coordinador da segunda edición do Imperial Stormtroopers, Andrés Fernández; e o presidente da Tropa Korriban – Asociación de Fans de Star Wars de Galicia, Manuel Ángel Gayoso, presentaron no Pazo de Raxoi a celebración dun desfile coas personaxes de Star Wars co que se homenaxeará o 30 aniversario da estrea da película O retorno do Jedi.

Tom Jones será un dos protagonistas principais das Festas do Apóstolo 2012 co seu concerto en Santiago, única parada da súa xira na Península. A actuación será o xoves 26 de xullo, ás 22:30 horas, na praza da Quintana. As entradas están á venda cun prezo de 25 € con entrada de pé e 35 € con cadeiras non numeradas. Pódense adquirir a través de www.servinova.com, o teléfono 902 504 500 ou a Rede Ticketmaster (Carrefour, Falcón Viaxes,...

O alcalde, Ángel Currás, mantivo unha xuntanza co responsable de Aspanaes Santiago (Asociación de Pais de Nenos Autistas), Jesús Vázquez. Neste encontro, o rexedor compostelán interesouse polas necesidades básicas, en especial aquelas de carácter terapéutico e social, que axuden a mellorar as condicións da asistencia a persoas con diferentes niveis de discapacidade.

A cuarta edición do concurso Canteiros no Obradoiro, organizado polo Consorcio de Santiago e a Fundación Laboral da Construción de Galicia, desenvolverase o sábado 28 de xullo na praza do Obradoiro.

As actividades programadas polo Concello de Santiago dentro do proxecto Escola de Verán 2012 seguen a traer novas propostas lúdicas e educativas para os máis pequenos. Así, o barrio das Fontiñas estreou este mércores 12 de xullo o planetario, un novo espazo onde poden coñecer de preto e resolver todas as súas dúbidas relacionadas coa astronomía e o universo exterior. Este equipamento é facilitado pola Obra Social "La Caixa".

As actividades matinais organizadas dentro do programa Vive o verán están resultando un éxito. Este ano, a novidade fundamental da iniciativa é a incorporación de actividades nas parroquias, que supuxo un forte impulso para os locais que en anos anteriores permanecían pechados. O alcalde compostelán, Ángel Currás, e o concelleiro de Centros Socioculturais, Francisco Noya, visitaron as actividades realizadas nesta xornada nos centro socioculturais da Gracia e de Marantes.

A Xunta de Goberno, na súa sesión ordinaria, deu conta dun convenio da Concellería de Familia, Benestar Social, Muller e Emprego coa Asociación de Voluntarios de Protección Civil para facilitar a realización de traballos substitutivos polo sancionados por consumo de alcohol na vía pública.

A Fundación Santiago Centro, o Concello de Santiago e Sogama rubricaron na sede da primeira un convenio de colaboración a través do cal se comprometen a sumar esforzos nunha fronte común: a preservación do medio e a mellora do benestar e calidade de vida da veciñanza da cidade. E farano loitando contra unha das principais ameazas, os residuos, e máis concretamente contra os efectos negativos que sobre o medio ten a alta proliferación de bolsas plásticas non biodegradables dun só uso.