Noticias

O alcalde de Santiago de Compostela, Xosé Sánchez Bugallo, asistiu á entrega do I Premio Internacional Ramiro Carregal de Investigación en Cardioloxía ao doutor Diego López, do CHUS, por un estudo sobre a amiloidose cardíaca. No seu discurso, o rexedor sinalou que "é un orgullo que se premie un proxecto creado en Compostela. A miña noraboa ao Doutor Diego López e ao seu equipo".

O alcalde de Santiago, Xosé Sánchez Bugallo, e o concelleiro de Relacións Institucionais e Turismo, Sindo Guinarte, reuníronse hoxe co representante de Taiwán en España, José María Liu, e con distintos responsables da Oficina Económica e Cultural de Taipei. Entre os asuntos tratados no encontro figura a busca dun estreitamento de relacións entre as empresas de Compostela e Taiwán.

A Xunta de Goberno Local acordou adxudicar o contrato das "Obras de rehabilitación da Casa das Máquinas. Fase 1", á empresa Obras Gallaecia por un importe de 218.932,04 euros, IVE incluído, ao ser a oferta máis vantaxosa das presentadas. Os traballos desta primeira fase, segundo explicou o alcalde de Santiago, Xosé Sánchez Bugallo, centraríanse na cuberta do edificio, situado na Rúa de Galeras, e na estrutura interior.

O Festival Internacional de Títeres Galicreques, organizado pola Asociación Cultural Barriga Verde co apoio da Axencia Galega das Industrias Culturais (Agadic), da Deputación da Coruña e do Concello de Santiago, celebrará a súa 24º edición entre o 12 e o 20 de outubro cunha ampla programación que ofrecerán un total de 25 compañías, tanto estatais como internacionais.

O alcalde de Santiago, Xosé Sánchez Bugallo, reuniuse co presidente do Club Financieiro de Santiago, Roberto Pereira, e cos demais membros do Consello de Administración: Ramón Sabín, secretario; José María Fernández, vicesecretario; e Rosa Blanca Rodríguez, vogal. Tanto Pereira como o rexedor destacaron que debe haber sintonía e colaboración entre ámbalas partes.

O alcalde de Santiago, Xosé Sánchez Bugallo, mantivo hoxe un encontro co director de Unión Fenosa Distribución Galicia. Julio Gonzalo García informou ao rexedor de que a subministración eléctrica en Santiago está garantido, pero que pode haber "algunhas dificultades e limitacións" coas novas empresas que se instalen nos parques empresariais da Sionlla e de Costa Vella.

Á presentación desta iniciativa de Santiago Centro asistiu esta mañá o alcalde da cidade, Xosé Sánchez Bugallo, xunto coa directora xeral de Comercio da Xunta, Sol Vázquez; o presidente de Santiago Centro, José Mª Fernández; e a de Em Rede, Eva López.

Despois da convocatoria de cheques de consultoría posta en marcha no pasado mes de abril, os departamentos de Lingua e de Comercio volven xuntarse para outorgar novas axudas para o pequeno comercio, dentro do programa Coidar para mellorar, mellorar para coidar. Desta vez destínanse 40.000 euros a esta convocatoria, que conta con dúas liñas de axuda: unha para reforma e adecuación de locais e outra para gastos de comunicación realizada en galego.

O alcalde de Santiago, Xosé A. Sánchez Bugallo; a concelleira de Acción Cultural, Mercedes Rosón; e o director-xerente do Auditorio de Galicia, Xaquín López; presentaron esta mañá as celebracións previstas para o 30 aniversario do Auditorio de Galicia. Serán actividades de música, danza, teatro, visitas guiadas, artes visuais... dende o 11 ata o 30 de outubro. A festa principal será o domingo 20, precisamente o día que se cumpren os 30 anos de apertura do edificio, e ese día todas as actividades...

O proxecto básico e construtivo da nova estación do AVE será publicado no BOE nos vindeiros días, tras ser aprobado esta pasada semana por ADIF, tal como lle comunicou por teléfono ao alcalde, Xosé Sánchez Bugallo, a presidenta de ADIF, Isabel Pardo de Vera.