PROMOCIÓN ECONÓMICA
Os alumnos do taller "O mundo da cor" expoñen as súas obras nas galerías de Alfredo Brañas
O taller de pintura "O mundo da cor", nacido da man de Sara Paz a través do Proxecto Equal Compostela Social, celebrará os seis primeiros meses de andadura cunha exposición dos traballos dos seus alumnos. A inauguración da mostra, ubicada nas galerías situadas na rúa Alfredo Brañas número 16, terá lugar o mércores, 21 de marzo, ás sete da tarde.
ALCALDÍA
O Conselleiro Laboral de España en Arxentina recibe ao alcalde
Na primeira xornada da súa visita institucional a Bos Aires, o alcalde compostelán, Xosé A. Sánchez Bugallo, e a concelleira de Emigración e Inmigración, Teresa Regúlez, departiron co Conselleiro Laboral de España en Arxentina, o sevillano Rafael Herrera.
PROMOCIÓN ECONÓMICA
Fin de semana de saldos en "Outlet Compostela"
O recinto feiral de Amio acolle os días 16 e 17 de marzo "Outlet Compostela", no que participan 78 comercios. Todos os cidadáns que queiran asistir dispoñen de autobuses gratuitos que saen cada hora dende a Praza de Galicia coincidindo cos horarios de apertura da feira de saldos.
CULTURA
"Art Natura" achega a Compostela a obra de máis dun cento de artistas e escritores galegos
A Asociación para a Defensa Ecolóxica de Galicia (Adega) inaugura a exposición "Art Natura. Pola defensa da Rede Natura galega. Pola defensa do medio natural galego". producida pola Concellaría de Cultura. Permanecerá aberta ao público, en horario de 18:00 a 21:00 horas, ata o 16 de abril, no Instituto Rosalía de Castro.
EDUCACIÓN
O programa didáctico "Vivir Santiago" invita aos máis novos a coñecer a súa cidade
Unha edición máis, o Programa de utilización didáctica "Vivir Santiago" ofrece aos escolares de Compostela e de tódolos municipios interesados a posibilidade de descubrir Compostela dende un punto de vista formativo. A nova oferta de percorridos foi presentada pola concelleira de Educación e Mocidade, Elvira Cienfuegos.
CULTURA
"Un cuento de invierno", de Shakespeare, no Auditorio de Galicia
O programa Teatro en Xira, organizado pola Concellaría de Cultura co patrocinio da Fundación Caixa Galicia, ofrece o sábado 17 a obra de William Shakespeare "Un cuento de invierno". Os espectadores que queiran acudir á representación, que terá lugar no Auditorio de Galicia ás 21:00 horas, poden retirar as entradas alí mesmo ata media hora antes do comezo da función, ou ben a través das oficinas de Caixa Galicia, a un prezo de 15 euros (7.50 para estudantes e xubilados).
EMPREGO
230 persoas inscribíronse no que vai de 2007 na Bolsa de Emprego xestionada por Promoción Económica
No que levamos do ano 2007, 230 persoas inscribíronse na Bolsa de Emprego ubicada nas instalacións que a Concellaría de Promoción Económica e Emprego ten na rúa Hórreo, número 100, inauguradas o 19 de decembro do 2006. 156 dos inscritos son mulleres, o que representa o 68% do total, e o resto, 72, o 32%, son homes. Unha media diaria de 30 persoas solicitan algún tipo de información sobre emprego, a metade persónanse no local e o resto infórmanse a través do teléfono 981 568 752.
REHABILITACIÓN
A rehabilitación integral dos barrios, a debate en Compostela
Os días 22, 23 e 24 de marzo celebraranse en Santiago as xornadas "Barrios en (re)construción. Novas ideas para a rehabilitación integral dos barrios na cidade futura". A concelleira de Rehabilitación e Casco Histórico, Mercedes Rosón, presentou este evento, que se enmarca no proceso de cualificación de áreas de rehabilitación integral (ARI) no que está a traballar o Concello.
ALCALDÍA
Sánchez Bugallo: "Reabrir o debate sobre o trazado do AVE suporía unha total irresponsabilidade que recaería sobre os que a aceptaran"
O alcalde compostelán expresou o seu rexeitamento ás manifestacións realizadas polo presidente da Adif (Administrador de Infraestruturas Ferroviarias), Antonio González Marín, na súa comparecencia parlamentaria, sobre a posibilidade de modificar o trazado do AVE ao seu paso polos concellos de Vedra e Boqueixón, Sánchez Bugallo, considera que aceptar a posibilidade de reabrir este debate "suporía unha total irresponsabilidade que recaería sobre os que a aceptaran".
PROMOCIÓN ECONÓMICA
Medio milleiro de persoas asiste ás II Xornadas técnicas sobre os programas experimentais de inserción laboral
O Palacio de Congresos de Santiago acolle as II Xornadas técnicas sobre os programas experimentais de inserción laboral: claves para a innovación na orientación profesional e laboral nun mundo globalizado. Unhas mil persoas participan neste seminario.