Noticias

Eugenio Granell no paraíso centroamericano, 1940-1956 é o nome da nova mostra do Auditorio de Galicia. A exposición, que permanecerá aberta ata o 4 de novembro, enmárcase dentro dos actos conmemorativos que se están a celebrar na cidade con motivo do centenario do nacemento de Eugenio Fernández Granell. Foi inaugurada polo alcalde da cidade, Ángel Currás; a directora da Fundación Granell, Natalia Fernández Segarra; a comisaria da mostra, Pilar Corredoira; e o director-xerente do Auditorio de Galicia,...

O alcalde compostelán, Ángel Currás, expresou "a satisfacción e a alegría" do Concello de Santiago pola aparición do Códice Calixtino. "Se hai un ano viviamos un día triste coa súa desaparición, hoxe estamos moi felices pola detención dos presuntos culpables e, o máis importante, pola aparición dunha xoia de gran valor histórico e estético", apuntou.

O concelleiro de Tráfico e Mobilidade, Albino Vázquez, anunciou o inicio do procedemento de entrega das novas tarxetas de residentes a partir do venres 6 de xullo. Inicialmente está prevista a entrega dunhas 3.900 tarxetas a aqueles usuarios que xa as teñen outorgadas e que, en consecuencia, deberán cambialas. Estas tarxetas, que levan un microchip coa información de identificación do vehículo, facilitarán o control e evitarán as falisificacións.

O Auditorio de Galicia acollerá os días 18 e 19 de outubro o IV Seminario Ibérico de Aparcamentos e Mobilidade Urbana. Os estacionamentos amables ou intelixentes serán o eixe temático destas xornadas, que foron presentadas en rolda de prensa polo concelleiro de Tráfico e Mobilidade, Albino Vázquez. Estivo acompañado na rolda polo presidente da Asociación Española de Aparcamentos e Garaxes (ASESGA), Jaime López; a comisionada da Associaçao Nacional de Empresas de Parques de Estacionamento (ANEPE) Luísa...

O alcalde compostelán, Ángel Currás, e a concelleira de Educación, Rebeca Domínguez, visitaron a Escola Municipal de Verán de Inglés, que vén de botar a andar no IES Rosalía de Castro. 300 alumnos participan nesta nova edición, que conxuga a conciliación, o lecer e a aprendizaxe do inglés ao longo do mes de xullo.

O alcalde compostelán, Ángel Currás; a concelleira de Medio Ambiente, María Castelao; o conselleiro de Medio Ambiente, Territorio e Infraestruturas, Agustín Hernández; e o secretario de Estado de Medio Ambiente, Federico Ramos, mantiveron unha reunión de traballo en Raxoi encamiñada a axilizar os trámites necesarios para a licitación do proxecto da depuradora da Silvouta.

O concelleiro de Festas, Francisco Noya, presentou un avance das Festas do Apóstolo, que se celebrarán entre o 20 e 31 de xullo. Tom Jones, Calle 13, Coti, Milladoiro ou Luar das Lubre son algúns dos nomes xa confirmados.

A concelleira de Urbanismo, María Pardo, presentou a modificación puntual que pretende realizar o Concello no Plan especial de protección do patrimonio construído de interese cultural no ámbito das chamas Casas de Ramírez. Os obxectivos destes cambios son a regularización dos usos permitidos, posibilitar a instalación de ascensores e determinar as características estéticas que deberán ter los locais do ámbito.

As concelleiras de Economía, Reyes Leis, e de Urbanismo, María Pardo, recibiron en Raxoi o presidente da Fundación Galicia Sustentable e voceiro de TEDxGalicia, Marcos Pérez, e ao director do Centro de Negocios de Santiago, Celso Martínez.

A primeira tenente de alcalde, Reyes Leis, recibiu os participantes na carreira de relevos contra o cancro impulsada pola Escola do Corredor ULE-Chorco co fin de recadar diñeiro para a Asociación Española contra o Cancro.