ALCALDÍA
O período medio de pagamento de facturas a provedores diminuíu ata os 63 días no segundo trimestre de 2014
No Pleno ordinario deste xoves, 31 de xullo, darase conta do informe de morosidade correspondente ao segundo trimestre de 2014, no que se constata que a redución do período de pago a provedores continúa a reducirse, situándose agora en tan só 63 días. Nesta sesión tamén se informará sobre o balance do Plan de Axuste correspondente ao mesmo trimestre.
SEGURIDADE E MOBILIDADE
A Policía Local de Santiago incorpora un novo vehículo policial dedicado á investigación de accidentes de tráfico
A Policía Local conta cun novo vehículo de atestados, co fin de facilitar a este Corpo a realización de controis e a instrución de dilixencias na rúa, ocasionando as mínimas molestias de desprazamento aos cidadáns. Aínda que, afortunadamente, nos últimos anos o número de accidentes descendeu notablemente, no ano 2013, a sección de atestados de Santiago elaborou 546 atestados por accidentes de circulación e 115 atestados por delitos contra a seguridade viaria, ademais da realización de todo tipo de...
EXPOSICIÓN
Intervención escultórica de Ramón Conde nas prazas do Obradoiro e de Praterías
O escultor Ramón Conde (Ourense, 1951) presenta nas prazas do Obradoiro e das Pratarías, mediante a linguaxe artística, unha intervención que se vertebra ao redor do concepto de poder, entendido como a capacidade de levar a cabo os nosos desexos independentemente das dificultades que poden ser obra da natureza ou doutras persoas. A exposición, titulada O Poder, foi inaugurada nun acto ao que asistiu o concelleiro de Relacións Institucionais, Ángel Currás. Poderá verse ata o 28 de setembro
FESTAS
A Banda Municipal e a Real Filharmonía de Galicia encheron de música a penúltima xornada das Festas do Apóstolo
As Festas do Apóstolo tiveron na súa programación deste mércores tres propostas musicais. Primeiro, na praza de San Martiño Pinario, concerto familiar dirixido a todos os públicos no que a Banda Municipal de Música, acompañada dos Fantoches Baj, presentaron As pombas de Carboeiro. Logo foi o turno da Real Filharmonía de Galicia no Auditorio de Galicia e pechouse a noite musical na praza da Quintana con Tinariwen e Narf Trío en concerto.
TURISMO
WOMEX converterá Santiago na capital musical de Europa do 22 ao 26 de outubro
Presentouse na Cidade da Cultura a programación da vixésima edición de WOMEX, a maior feira mundial das músicas do mundo, que se celebrará en Santiago de Compostela do 22 ao 26 de outubro. A concelleira de Economía e Turismo, Reyes Leis, participou na rolda de prensa, na que tamén estiveron Jesús Vázquez, conselleiro de Educación, Cultura e Ordenación Universitaria; Beatriz González Loroño, directora xerente da Cidade da Cultura; e Antonio Martínez, de Nordesía Producións, empresa...
XUVENTUDE
Dezaseis mozos e mozas participan nunha xornada de deportes de aventura en Carcacía
Dentro do Programa de Lecer e Aventura Verán Activo 2014, a Concellería de Xuventude organizou este martes unha xornada multiaventura en Carcacía (Padrón). A edil de Xuventude, María José Corral, compartiu a xornada cos 16 participantes, mozos e mozas entre 14 e 30 anos.
EDUCACIÓN E CENTROS SOCIOCULTURAIS
Uns 400 nenos e nenas de varios campamentos urbanos asistiron a unha exhibición de unidades policiais na Alameda
A concelleira de Servizos Sociais e Educación, María José Corral, asistiu á exhibición de unidades da Policía Nacional para os preto de 90 nenos que participan no programa municipal de conciliación Mañás de verán, organizado polo Departamento de Centros Socioculturais nos locais de Vite, Santa Marta e Fontiñas. A estes sumáronse outros 180 rapaces do campamento urbano do Instituto Rosalía de Castro e 130 do Centro Don Bosco.
CULTURA
Dezaoito espectáculos para pasar as tardes de agosto con Verán na Rúa
A concelleira de Cultura, María Antón, e o director-xerente do Auditorio de Galicia, José Víctor Carou, presentaron o programa Verán na Rúa que se celebra dende o 30 de xullo ata o 29 de agosto. Trátase dunha programación que encherá de música, teatro e circo espazos habituais para os composteláns, e emblemáticos para todos os que nos visitan, como son as prazas de San Martiño Pinario e Praterías e o parque da Alameda. Unha variada oferta dirixida a todo o público que só se...
FESTAS
Concertos da RFG, da Banda Municipal de Música e de Tinariwen + Narf Trío na xornada do mércores das Festas do Apóstolo
As Festas do Apóstolo traen na súa programación para a xornada do mércores 30 tres propostas musicais. Comezamos ás 19:30 horas na praza de San Martiño Pinario cun concerto familiar dirixido a todos os públicos no que a Banda Municipal de Música, acompañada dos Fantoches Baj, presentan As pombas de Carboeiro. Ás 21:00 horas teremos un concerto da Real Filharmonía de Galicia no Auditorio de Galicia e pechamos a xornada ás 22:00 horas na praza da Quintana con Tinariwen e Narf Trío en concerto.
CONSORCIO
A Real Filharmonía de Galicia estrea dúas obras de Toshio Hosokawa, considerado o mellor compositor xaponés
A Real Filharmonía de Galicia (RFG) participa no encontro internacional de creación musical son(UT)opías, que organiza a Universidade de Santiago e que nesta edición aborda a relación entre a cultura occidental e a xaponesa. No marco desta iniciativa, este mércores 29 de xullo, celebrarase un concerto da RFG no Auditorio de Galicia, que comezará ás 21:00 horas e dirixirá o mestre titular da orquestra, Paul Daniel. A entrada é libre ata completar aforo.
