CONSORCIO
Últimas visitas guiadas pola mostra que conmemora os 25 anos de traballo do Consorcio no patrimonio histórico e cultural da cidade
Baixo o título Consorcio de Santiago, Cultura e Patrimonio. 25 anos do Consorcio na cidade, o organismo promove unha exposición que repasa a súa traxectoria. A mostra ten dúas sedes, a Casa do Cabido (na praza das Praterías), onde se reúne o labor cultural da entidade; e a Fundación Torrente Ballester, que concentra as súas actuacións no patrimonio histórico.
TURISMO
"Taco de outono" e "Mexillón galego que se volveu nikkei", tapas gañadoras da décima edición de Santiago(é)tapas
O Museo do Pobo Galego acolleu a gala de entrega de premios da décima edición de Santiago(é)tapas, concurso de tapas organizado por Turismo de Santiago e a Asociación Hostalería Compostela que se celebrou do 2 ao 19 de novembro. Desta vez consumíronse máis de 34.000 tapas, cun crecemento de máis do 10% respecto ao ano pasado.
POLÍTICAS SOCIAIS
Concha Fernández clausura o I Programa Municipal de Apoio á Inclusión Social
O edificio da Casa das Asociacións de Benestar Social, CABES, ubicado en Salgueiriños, acolleu a entrega de diplomas do Programa Municipal de Apoio á Inclusión Social. Os/as participantes recolleron o recoñecemento de mans da concelleira de Políticas Sociais, Diversidade, Saúde e Centros Cívicos, Concha Fernández.
IGUALDADE
Continúa aberto ata o 31 de decembro o prazo de presentación de traballos ao II Premio Xohana Torres
O prazo para a presentación de orixinais ao II Premio Xohana Torres, de ensaio e creación audiovisual sobre a memoria histórica das mulleres de Compostela, segue aberto ata o 31 de decembro. O galardón, convocado pola Concellaría de Igualdade, recoñece aqueles traballos que exploran a participación social e política de mulleres compostelás e a reconstrución da súa memoria histórica. Ao certame poden presentarse ensaios literarios ou científicos ou traballos audiovisuais.
CONSORCIO
Jonathan Webb ponse esta semana á fronte da Real Filharmonía de Galicia
A Real Filharmonía de Galicia celebra esta semana dous concertos. O primeiro terá lugar mañá mércores, día 29, na súa sede, o Auditorio de Galicia, ás 20:30 horas. O xoves, a orquestra desprazarase a Vigo, onde tocará no Teatro Afundación, tamén ás 20:30 horas. A batuta de ambos concertos levaraa o principal director convidado da agrupación, o mestre londinense Jonathan Webb.
CONSORCIO
As 15 Cidades Patrimonio da Humanidade abordan en Santiago a evolución dos seus Plans de Xestión
O alcalde de Santiago, Martiño Noriega, inaugurou o encontro "Procesos participativos nos Plans de Xestión das Cidades Patrimonio da Humanidade Españolas", celebrado este martes no Museo das Peregrinacións.
COMERCIO
O Mercado de Nadal e a pista de xeo abrirán este sábado 2 de decembro
A concelleira de Desenvolvemento Económico, Marta Lois, e a técnica de Comercio Lucía Castro, presentaron o Mercado de Nadal, que abrirá este sábado 2 de decembro e permanecerá instalado ata o 6 de xaneiro. En total haberá 87 expositores, 22 máis que o ano pasado, na mesma localización, a rúa Carreira do Conde.
CONSORCIO
"Nemo e Sabela polos parques de Compostela", un conto infantil que amosa as historias agochadas tras os espazos verdes da cidade
O Consorcio de Santiago e Teófilo Edicións acaban de publicar Nemo e Sabela polos parques de Compostela, un conto infantil que amosa as historias que se agochan tras os espazos verdes máis emblemáticos da cidade. É unha obra de Paco López-Barxas, con ilustracións de Isabel Pintado. Presentábase esta mañá na sede do Consorcio, coa presenza, ademais dos autores, do alcalde de Santiago e presidente do Consorcio da cidade, Martiño Noriega; a xerente do organismo interadministrativo, Belén...
ACCIÓN CULTURAL
Alberto San Juan presenta "Masacre" no Teatro Principal
O novo proxecto de Teatro del Barrio preséntase mañá mércores no Teatro Principal. Alberto San Juan escribe, dirixe e interpreta esta aceda crítica aos procederes das elites españolas pola que transitan persoeiros como Emilio Botín, Esther Koplowitz, José María Aznar, Adolfo Suárez ou Francisco Franco. Ao seu carón, a actriz catalá Marta Calvó co-protagoniza este espectáculo que convida a ollar a historia contemporánea dende unha perspectiva crítica.
ACCIÓN CULTURAL
O circo-teatro de Tresperté desembarca no Auditorio de Galicia con "Oopart"
A Sala Ángel Brage do Auditorio de Galicia convértese este venres en pista circense para acoller a fantasía e as acrobacias de Oopart, o último traballo da compañía andaluza Tresperté. O espectáculo, con dirección e creación de Antonio J. Gómez e música de Iván Monje, propón unha aventura a través do tempo, unha imaxinativa viaxe entre risos e brincadeiras que promete engaiolar ao público grande e miúdo.