EDUCACIÓN
Máis de douscentos sesenta alumnos de primaria participaron no Programa de educación pola mobilidade nas escolas
O venres 30 de marzo terá lugar a última sesión do Programa de educación pola mobilidade nas escolas, que se ven desenvolvendo dende o 26 de febreiro ata o 30 de marzo nos centros escolares de Santiago de Compostela. Nesta primeira edición destinouse ao alumnado de 4º de Educación Primaria. Un total de 262 alumnos de once centros educativos participaron nesta proposta.
AUDITORIO
Os catro cordas principais da Real Filharmonía de Galicia únense para participar no Festival de Músicas Contemplativas
Logo de 11 anos, a Real Filharmonía de Galicia preséntase coma un proxecto consolidado dentro do panorama musical español. Neste sentido, os seus catro principais de corda (James Dahlgren, concertino; Grigori Nedobora, principal de segundos violíns; Tilmann Kircher, viola principal e Plamen Velev, violoncello principal) únense formando un Cuarteto de Cámara para participar no Festival de Músicas Contemplativas que acolle a Semana Santa en Compostela. Deste xeito, este Cuarteto da Real Filharmonía de Galicia, vén sumarse ao...
PLENO
A familia de Eugenio Granell doa a obra e a biblioteca do artista á súa Fundación
O Pleno da Corporación prestou a conformidade unánime á cesión por parte da viuva de Eugenio Granell e da súa familia da obra e biblioteca do artista á Fundación Granell. Deste xeito, ceden á entidade situada no Toural a obra actualmente en depósito na mesma, a que se atopa en Madrid e tamén a biblioteca particular.
CULTURA
Teatro do Noroeste presenta a obra de Shakespeare "Romeo e Xulieta"
A compañía galega Teatro do Noroeste estrea o xoves 29 no Teatro Principal, ás 21:00 horas, unha adaptación moderna da obra de William Shakespeare "Romeo e Xulieta". A obra, interpretada por un elenco de actores mozos, poderá verse no Principal tamén o venres 30 e o sábado 31. O prezo das entradas, que se poderán recoller alí mesmo ou ben a través das oficinas de Caixa Galicia, é de 7 euros para butacas, platea e primeira planta; 5 euros para a segunda planta; e 3 euros para o anfiteatro. O día da...
DÍA DA ÁRBORE
Os máis pequenos plantaron árbores en San Lázaro
Uns 500 alumnos de primaria do centros de educación de Fontiñas e Monte dos Postes celebraron no Parque de San Lázaro o acto conmemorativo organizado polo Concello con motivo da celebración dos días da Árbore e da Auga. Os rapaces plantaron árbores e asistiron a unha representación práctica do bo uso da auga.
DEPORTES
Os camiños de Santiago, unidos polo deporte grazas á Compostela Cup
O Hotel Puerta del Camino acolleu a presentación da Compostela Cup do Camiño, unha singular proposta que pretende conxugar deporte e intercambio cultural. Grazas a este torneo, deportistas de todo o mundo achegaranse ata Santiago para competir en diferentes disciplinas e compartir experiencias.
TURISMO
Compostela quedará conectada con Copenhague a partir do 1 de abril
A oferta de voos de Lavacolla amplíase cunha nova conexión, vía Palma de Mallorca, con Copenhague, a capital de Dinamarca. Este novo traxecto diario poñerase en marcha o 1 de abril.
AUDITORIO
A Real Filharmonía de Galicia vístese de gala para interpretar "Un réquiem alemán", de Brahms
O Auditorio de Galicia recibirá o xoves 29 de marzo a dúas das máis destacadas figuras da canción, a soprano Ruth Ziesak e o barítono Dietrich Henschel, que, xunto ao Orfeón Pamplonés, acompañarán á Real Filharmonía de Galicia na interpretación dun Réquiem Alemán de Brahms. A orquestra pecha así o mes cun dos mellores concertos desta tempada, para goce dos afeccionados composteláns. Todo iso baixo a batuta do mestre Ros Marbá, director titular da Real Filharmonía.
CENTROS SOCIOCULTURAIS
Emma Pedreira e Xoán Xosé García López, gañadores dos premios "Aurelio Aguirre" e "José Saramago".
O alcalde, Xosé A. Sánchez Bugallo, presidiu a entrega dos premios das novas edicións dos certame literarios "Aurelio Aguirre", de poesía, e "José Saramago", de narrativa curta, convocados ambos pola Concellería de Centros Socioculturais.
URBANISMO
Emuvissa formula as contas anuais de 2006
Baixo a presidencia do alcalde compostelán, Xosé A. Sánchez Bugallo, celebrouse esta mañá no Pazo de Raxoi o Consello de Administración da Empresa Municipal de Vivenda e Solo (Emuvissa), xuntanza que tivo como principal punto da orde do día a formulación das contas anuais do exercicio 2006.