Noticias

A Rede de Centros socioculturais ten preparada para os vindeiros meses do ano unha variada programación nos seus 42 equipamentos diversos. A preinscrición para algunhas das actividades abrirase na primeira semana de setembro.

Unha vez desenvolvido o artigo 32 da Lei de Estabilidade, no eido de permitir aos concellos destinar remanente de tesourería a financiar investimentos, o Concello de Santiago empregará máis dun millón de euros do seu remanente de 2012 (1.890.310 euros) a investimento. Así o anunciou en rolda de prensa a concelleira de Facenda, Cecilia Sierra, quen tamén indicou que o resto do remanente, uns 950.000 euros, se empregarán en saldar todas as facturas pendentes de exercicios anteriores.

A concelleira de Urbanismo, María Pardo, deu conta do inicio dos trámites para contratar as obras de mellora da mobilidade na Almáciga, que suporán tamén a incorporación doutros 8.060 metros cadrados de zonas verdes para a cidadanía. A intervención, incluída no programa Urbana Santiago Norte, contempla actuacións en catro ámbitos fundamentais: as rúas Basquiños e Pastoriza, un corredor verde entre os parques da Almáciga e Bonaval, a rúa Escultor Asorey e a rúa Caramoniña.

O concelleiro da Brigada de Vías e Obras e Xestión Ordinaria de Servizos Básicos, Juan de la Fuente, anunciou que é a súa intención propor un incremento significativo das sancións por actos incívicos, dos que puxo como exemplo as pintadas ou os vertidos incontrolados. Lonxe de ter un afán recadador, considera que as sancións teñen que ser "proporcionais" ao dano causado, para que exerzan un maior efecto disuasorio.

A Xunta de Goberno, na súa sesión ordinaria, aprobou definitivamente axudas de diferentes fases das áreas de rehabilitación integral (ARI) de Vista Alegre, Pontepedriña e Casco Histórico. En total, estas axudas suman algo máis de 266.000 euros.

O Boletín Oficial da Provincia (BOP) do 29 de agosto de 2013 publica as bases das subvencións ás asociacións de veciños deste exercicio 2013. A partida total para estas axudas ascende a 64.800 euros. O prazo de presentación das solicitudes ábrese mañá, 30 de agosto, e permanecerá aberto ata o mércores 18 de setembro.

Busco parella...lingüística é o título do programa de intercambio lingüístico que pon en marcha a Concellería de Xuventude e Normalización Lingüística en colaboración coa Universidade de Santiago. O seu obxectivo é que os mozos e mozas de Compostela que teñan interese en perfeccionar as súas competen¬cias lingüísticas poidan facelo dun xeito práctico a través da conversa con outras persoas con similares intereses.

O concelleiro de Benestar Social en funcións, Adrián Varela, visitou os cursos de reforzo educativo organizados pola Concellería de Benestar Social en colaboración co grupo Igaxes3. Máis de 30 alumnos e alumnas de diferentes niveis educativos participaron nos meses de maio, xuño, xullo e agosto nestas sesións, que se desenvolveron en xornada de mañá, primeiro no Centro Sociocultural José Saramago de Vite e logo na sede de Igaxes3 en San Lázaro.

No marco das campañas de vixilancia e control promovidas pola Dirección Xeral de Tráfico, do 19 ao 25 de agosto realizouse un control especial de velocidade en varios puntos da cidade. Dos 2.147 vehículos controlados só 12 superaban os límites de velocidade e foron propostos para sanción, o que supón unicamente un 0,55% do total.

Continúa a desenvolverse con éxito o programa Imos ao baile 2013, organizado pola Concellería de Centros socioculturais e Participación Cidadá. As próximas citas serán o 30 de agosto e o 7 de setembro.