Noticias

Arrancou en Santiago Feeling Brands, a I Conferencia Internacional de Experiencia do Cliente. Esta xornada pretende achegar aos profesionais, empresas e organizacións unha tendencia global e posicionar a Galicia no marketing de experiencias clave para a diferenciación no século XXI.

A concelleira de Comercio, Reyes Leis, asistiu no Hostal dos Reis Católicos á inauguración do VII Congreso Turismo e comercio, a súa influencia no mantemento e xeración de emprego nas cidades de España, de Compostela Monumental.

O alcalde compostelán, Ángel Currás; a concelleira de Turismo, Reyes Leis, e varios concelleiros participaron no comezo do programa Santiago(é)Tapas. No concurso, que se desenvolverá do ata o 24 de novembro, participan 66 establecementos, que ofrecen 109 petiscos.

Os concelleiros María Pardo e Luis Meijide visitaron o parque de Ponte Pereda coa Asociación de Veciños Conxo Aberto. Xuntos inspeccionaron varias zonas deste espazo verde nas que se realizarán melloras en breve e que eran unha vella demanda do barrio.

O concelleiro da Brigada de Vías e Obras e Xestión Ordinaria de Servizos Básicos, Juan de la Fuente, informou sobre as obras en marcha nestes intres nos barrios e sobre outras a piques de comezar. Trátase de actuacións en nove sectores da cidade, ás que se destinarán case 400.000 euros, que se suman a outras obras xa executadas, para totalizar 531.279 euros.

O concelleiro de Mobilidade e Seguridade Cidadá, Luis Bello, acompañado polo xefe da Policía Local, Norberto Villaverde, e polo xefe dos Bombeiros, José Ramón Sánchez, fixo balance das actuacións de emerxencia realizadas con motivo da tromba de auga caída na noite do xoves, entre as 10:50 e as 23:10 horas. Durante eses 20 minutos rexistráronse 78 litros por metro cadrado.

Este sábado chega unha das citas máis relevantes deste Cineuropa 2013. O cineasta Fernando Franco presentará no Teatro Principal, ás 20:00 horas, o seu filme La herida, que levou filme o Premio do xurado á mellor película este ano en San Sebastián. Estará acompañado pola actriz protagonista do mesmo, Marian Álvarez, que vén de gañar tamén en San Sebastián a Concha de Prata e é firme candidata a conseguir o Goya por este mesmo filme, que está a colleitar grandes...

O alcalde compostelán, Ángel Currás, e o concelleiro de Deportes, Adrián Varela, asistiron á gala dos IV Premios Galicia á Xestión Deportiva, promovidos pola Asociación Galega de Xestores Deportivos (AGAXEDE).

Fin de semana de rock na Sala Capitol en colaboración co Festival Sinsal Outono e dentro do ciclo Compostela Rock. As citas son con Freedonia & The Sweet Vandals e Youth Lagoon.

O Grupo de Cidades Patrimonio da Humanidade de España deu a coñecer, tras a reunión da súa Comisión de Cultura e Educación, celebrada en Alcalá de Henares, os nomes dos gañadores da primeira edición do Concurso de Fotografía nas Redes Sociais convocado con motivo da celebración do 20º aniversario da asociación.