Noticias

A Escola Municipal de Música fixo pública a relación de prazas vacantes para o curso 2014-2015 na súa segunda convocatoria.

A concelleira de Educación, Reyes Leis, mantivo con técnicos de Educación e de Urbanismo unha nova xuntanza de coordinación en relación ao plan de obras previsto para este verán nos centros de ensino do municipio. No marco deste programa, o alcalde, Ángel Currás, e a propia edil visitaron a Escola Infantil do Tambre, na que en xullo se renovará o sistema de climatización.

Dous dos grandes nomes da corrente interpretativa "historicista", e da música en xeral, dous senlleiros artistas como o palermitano Fabio Biondi e o neoiorquino Kenneth Weiss únense nun concerto monográfico dedicado ás sonatas para violín e clave de Johann Sebastian Bach dentro do Via Stellae. Escritas mentres prestaba os seus servizos en Weimar e Cöthen, estas espléndidas sonatas son un magnífico exemplo da profundidade expresiva e o perfeccionista dominio técnico deste mestre da composición. Poderemos...

O alcalde compostelán, Ángel Currás, trasladou hoxe ao Comité de Empresa de Urbaser a necesidade de evitar unha posible folga do lixo en Santiago, que prexudicaría a imaxe da cidade nunhas datas de grande afluencia de turismo como son as Festas do Apóstolo.

Co fin de poñer en funcionamento as instalacións deportivas municipais (pavillóns, campos de fútbol, pistas de atletismo…) para a vindeira tempada, a Concellería de Deportes pon en coñecemento de todas as entidades que teñan previsto participar en actividades de carácter periódico (principalmente as de competición e as vinculadas aos centros de ensino) e que estean interesadas no uso das devanditas instalacións, que o prazo oficial de solicitude estará aberto do martes 1 ao xoves 24 de xullo.

O alcalde compostelán, Ángel Currás, e a concelleira de Turismo, Reyes Leis, participaron no Hostal dos Reis Católicos na gala final de Tapéate Compostela, na que os finalistas prepararon as súas tapas en directo.

O concelleiro Luis Meijide recibiu recibiu na praza do Obradoiro os participantes na carreira "A Santiago contra o cancro 2014", reto solidario promovido por cuarto ano pola Asociación contra o Cancro de León.

Arredor de 90 rapaces, inscritos nas actividades regulares dos distintos centros socioculturais dos barrios e parroquias de Santiago, gozaron dunha xornada de convivencia e xogo como remate do curso sociocultural, no marco do programa Vive o verán. A festa celebrouse no Local Sociocultural da Gracia.

O alcalde compostelán, Ángel Currás, participou este sábado na Asemblea Xeral do Grupo Cidades Patrimonio da Humanidade de España, máximo órgano de goberno da entidade, que se reuniu con carácter extraordinario en Baeza e Úbeda, cidades andaluzas que formalizaron a súa incorporación ao Grupo.

O concelleiro Luis Meijide reuniuse no Local Sociocultural da Peregrina con representantes da Federación de Asociacións Veciñais do Rural (FERUSA) para informalos polo miúdo dos plans anuais de rozas e rebacheos previstos e sobre as actuacións incluídas polo Concello no Plan de Obras e Servizos da Deputación da Coruña (POS 2014).