ALCALDÍA
O Concello de Santiago asina un convenio de colaboración con Bricomart
O alcalde de Santiago de Compostela, Agustín Hernández, mantivo un encontro cos directivos da empresa Bricomart, que abrirá as súas portas en Costa Vella en 2015.
CULTURA
"A viaxe dos Chévere", co seu director Alfonso Zarauza e coa presenza dos recentemente nomeados Premio Nacional de Teatro, clausura a XXVIII edición de Cineuropa
Este domingo, a última xornada da XXVIII edición de Cineuropa contará coa presenza, como broche final, de Alfonso Zarauza e o Premio Nacional de Teatro, a compañía Chévere. O motivo é unha nova sesión de A viaxe dos Chévere, filme no que Zarauza repasa a traxectoria da veterana compañía teatral e a súa loita pola cultura en tempos difíciles. Será ás 23:45 horas no Salón Teatro e a entrada de balde con convite.
ALCALDÍA
O alcalde anima a seguir traballando para erradicar "a inxustiza social da desigualdade que alenta e motiva a violencia de xénero"
O alcalde compostelán, Agustín Hernández, e a presidenta do Parlamento galego, Pilar Rojo, clausuraron o II Congreso Internacional de Intervención e Prevención de Violencia de Xénero, celebrado na Cidade da Cultura do 27 ao 29 de novembro. Antes da sesión de peche, asistiron ao último relatorio destas xornadas, que correu a cargo do xuíz Fernando Grande Marlasca, presidente da Sala do Penal da Audiencia Nacional.
ALCALDÍA
Agustín Hernández reúnese coa empresa encargada da revisión do Plan Especial do Casco Histórico para iniciar os traballos
O obxectivo deste encontro, presidido polo alcalde de Santiago, Agustín Hernández, é avanzar cara á consecución dun instrumento actualizado que permita xestionar axeitadamente o principal activo patrimonial, turístico e económico da cidade e que dea resposta ás novas esixencias ás que se enfronta o Casco Histórico.
ALCALDÍA
O alcalde recibiu a Xunta Directiva da Confederación Española de Cascos Históricos
O alcalde de Santiago, Agustín Hernández, recibiu no Concello a Xunta Directiva da Confederación Española de Cascos Históricos, que celebra esta fin de semana en Santiago o seu congreso.
XUNTA DE GOBERNO
Aprobada a primeira fase do proxecto de rehabilitación da Casa das Máquinas
O alcalde de Santiago, Agustín Hernández, deu conta da aprobación pola Xunta de Goberno do proxecto básico e de execución da rehabilitación do edificio da Casa das Máquinas, na rúa Galeras. Trátase dunha primeira fase, que conta cun orzamento material de 241.985 euros e un prazo de execución de seis meses.
XUNTA DE GOBERNO
Nova iluminación pública para a rúa Carme de Abaixo e a parroquia de Bando
A Xunta de Goberno autorizou o investimento necesario para a instalación de novas luminarias na rúa Carme de Abaixo e na parroquia de Bando, nos lugares de Castro e de Bando de Arriba, cun investimento conxunto de 7.704 euros. Esta previsión contémplase no contrato de xestión e mantemento do alumeado público.
XUNTA DE GOBERNO
A pista de xeo abrirá un Nadal máis no paseo central do parque da Alameda
A Xunta de Goberno autorizou a ocupación da vía pública no paseo central da Alameda para a instalación da pista de patinaxe sobre xeo. O recinto estará aberto dende un día aínda por determinar durante a ponte da Constitución ata o 1 de febreiro, se ben se podería ampliar o tempo se a demanda así o aconsellara.
NADAL
Cidadáns, visitantes e peregrinos decorarán a árbore de Nadal que se situará na Praza Roxa co nome de "A árbore das ilusións"
O Concello de Santiago promove a iniciativa "A árbore das ilusións". Trátase de decorar "entre todos e para todos" a árbore de Nadal que se situará na Praza Roxa. Peza a peza, búscase representar as ilusións e desexos dos veciños de Santiago, partindo da idea de que en moitas culturas a árbore é símbolo de unión e de historia colectiva.
CONSORCIO
A Real Filharmonía de Galicia celebra este sábado un concerto dirixido ás familias
A Real Filharmonía de Galicia (RFG) celebra este sábado, ás 18:00 horas, no Auditorio de Galicia, un concerto dirixido ao público familiar. A batuta levaraa o director asociado da orquestra, o mestre compostelán Maximino Zumalave.
