Noticias

A concelleira de Turismo, Reyes Leis, participou na segunda sesión do I Congreso Internacional sobre Peregrinacións e Turismo da Organización Mundial de Turismo (OMT), que se celebra ata este venres 19 no Hostal dos Reis Católicos. Asistiu ao relatorio "Relixiosidade popular e peregrinación nos camiños de Kumano", de Brad Towle, director de Promoción e Desenvolvemento de Turismo Internacional da Oficina de Turismo de Kumano Kodo (Xapón), e posteriormente a un almorzo-debate sobre o Camiño de Santiago, presidido polo...

A Oficina Técnica do Consorcio de Santiago iniciou este mes os traballos de retellado parcial do corpo claustral da Colexiata do Sar. Esta mañá, o alcalde da cidade e presidente do Consorcio, Agustín Hernández, visitou as obras para coñecer a súa evolución. Estivo acompañado pola concelleira de Patrimonio, María Antón, e pola concelleira María Jesús Sáinz, xunto con técnicos do Consorcio de Santiago.

O Festival Internacional Peregrinos Musicais alcanza a súa cuarta edición. A través de cinco concertos, os afeccionados á música poderán gozar das interpretacións dos grandes talentos galegos e rusos, que grazas a esta iniciativa poden traballar conxuntamente. A entrada aos concertos é gratuíta.

Os días 20, 25, 26 e 27 de setembro, e no marco da celebración do festival Compostela Gastronómica, o Mercado de Abastos acollerá o Espazo Gastro, un espazo habilitado e ambientado especialmente para a ocasión no que 15 dos 25 restaurantes participantes na ruta Menús de Mercado ofrecerán tapas e racións de cociña creativa elaboradas a partir de produto fresco e de tempada adquirido na propia praza.

A compañía pontevedresa Bértola Teatro Desmontable presenta O pack cósmico esta fin de semana na Zona C. Trátase dunha comedia en galego escrita e dirixida por Mario Iglesias e que poñen sobre as táboas, durante 100 minutos, María Salgueiro, Sé Rial e Xosé Manuel Esperante.

A Real Filharmonía de Galicia (RFG) arranca a súa nova temporada de concertos cunha homenaxe á ópera. A cita terá lugar este venres, 19 de setembro, ás 21:00 horas, no Auditorio de Galicia. Este concerto, que conta coa colaboración da Asociación de Amigos da Ópera de Santiago, será gratuíto para os abonados previa retirada de invitación. O custo para o resto dos asistentes será de 10 euros.

O alcalde compostelán, Agustín Hernández, anunciou que o Concello de Santiago xa elixiu tres parcelas a fin de poñelas a disposición da Fundación Amancio Ortega para que seleccione aquela na que construirá unha nova escola infantil no barrio do Castiñeiriño, equipamento que se incluirá na rede autonómica da Galiña Azul. Así llo comunicou á conselleira de Traballo e Benestar, Beatriz Mato, na reunión mantida esta mañá en Raxoi.

O Mercado de Abastos de Santiago acolleu a presentación das actividades de Área Santiago en Compostela Gastronómica, Festival da Cociña Galega, que se desenvolverá na capital de Galicia entre o 19 e o 28 de setembro. Á presentación asistiron os alcaldes de O Pino, Manuel Taboada; Vedra, Carlos Martínez; e Touro, Ignacio Codesido; ademais dos concelleiros de Turismo de Melide, Santos López; Rois, Manuel dos Santos; e Santiago, Reyes Leis. Tamén participaron os cociñeiros Kike Piñeiro, coordinador...

O alcalde de Santiago, Agustín Hernández, participou na cerimonia de apertura do I Congreso Internacional sobre Peregrinacións e Turismo da Organización Mundial de Turismo (OMT), dentro dos actos conmemorativos do VIII centenario da peregrenación de San Francisco de Asís a Compostela (1214-2014). O acto presidiuno o titular da Xunta, Alberto Núñez Feijóo.

O alcalde de Santiago, Agustín Hernández, asistiu no Hostal dos Reis Católicos á inauguración da exposición fotográfica sobre o 75º aniversario da Axencia EFE.