URBANISMO
O Castiñeiriño contará con preto de 200 novas vivendas
O alcalde compostelán, Xosé A. Sánchez Bugallo, presidiu o acto de colocación da primeira pedra do solo urbanizable non programado número 11 do Castiñeiriño, ubicado xunto á igrexa de Fátima. Este polígono, promovido por Emuvissa, alberá un total de 196 vivendas, a maioría delas de protección oficial, ademais de zonas verdes, viario público e novas dotacións para un barrio en clara fase de expansión.
ALCALDÍA
Presentada en Raxoi a revista Vía Francíxena que busca revitalizar as rutas de peregrinación a Roma
O acto de presentación tivo lugar no Salón Nobre do Pazo de Raxoi na mañá do sábado 12 de xullo e estivo presidido polo alcalde, Xosé A. Sánchez Bugallo. Interviñeron na mesma o presidente do Comité Internacional de Expertos do Camiño de Santiago, Paulo Caucci Von Saucken; o presidente da Asociación Europea das Vías Francíxenas, Massimo Tedeschi; e os directores xerais de Bens Históricos do Ministerio de Cultura italiano, Roberto Cecchi e Mauricio Fallace.
FESTAS
Centos de persoas inundarán as rúas de Compostela vestidos co tradicional traxe galego o mércores 23 de xullo
O concelleiro de Xuventude e Festas, Xosé Baqueiro; a presidenta da Asociación do Traxe Galego, Pilar Domínguez; e un representante de El Corte Inglés, José Manuel Blanco, presentaron esta mañá en rolda de prensa a trixésima edición do Día do Traxe Galego, que terá lugar dentro do marco das Festas do Apóstolo o próximo mércores, 23 de xullo. Pilar Domínguez fixo un percorrido pola historia desta celebración e lembrou as figuras de Manuel Beiras e José Luis Míguez,...
ALCALDÍA
O alcalde, satisfeito polo anuncio da nova fundación mixta da Cidade da Cultura
Considera "un acerto" o sistema mixto escollido, así como a designación de Juan Manuel Urgoiti, presidente do Banco Gallego, para xestionar a nova fundación, pois será "unha garantía de racionalidade e unha aposta polo éxito".
FESTAS
Santiago reunirá este mes aos mellores ciclistas en ruta sub-23 e junior de España
Os vindeiros días 12 e 26 de xullo, a cidade compostelá acollerá nas súas rúas a celebración do Campionato de España de ciclismo en ruta. Con tal motivo, o Concello brindou unha recepción aos organizadores, encabezados polo presidente da Federación Galega de Ciclismo, Sabino Cortizo. O concelleiro de Deportes, Andrés Fariña, agradeceu en nome do alcalde compostelán, Xosé A. Sánchez Bugallo, a elección de Santiago como cidade acolledora das probas.
TRANSPORTES
Os composteláns disporán de cen bicicletas a partir do luns para desprazarse pola cidade
O alcalde, Xosé A. Sánchez Bugallo, presidiu o acto oficial de apertura do servizo de aluguer de bicicletas, acompañado polo director do INEGA, entidade que colabora na iniciativa, Juan Álvarez Carril, e o concelleiro de Transportes, Carlos Nieves. O escenario foi a Estación de Autobuses, onde se situará o punto principal de recollida das tarxetas necesarias para facer efectivo o uso destes vehículos ecolóxicos.
EDUCACIÓN
Ferradura Aberta congregará a miles de rapaces na Alameda do 14 ao 24 de xullo
Os concelleiro de Educación, Guadalupe Rodríguez, de Deportes, Andrés Fariña, e de Xuventude e Festas, Xosé Baqueiro, presentaron unha nova edición do xa clásico programa Ferradura Aberta. Desenvolverase, coma todos os anos, no parque da Alameda e a desfrutar cos seus múltiples obradoiros e actividades están convocados todos os nenos e nenas de 2 a 5 e de 6 a 14 anos.
TURISMO
Turismo de Santiago aposta polo fomento do turismo creativo
O concelleiro de Promoción Económica e Turismo, Xosé Manuel Iglesias, fixo pública a concesión do programa europeo CREATA, que ten o obxectivo de desenvolver experiencias innovadoras de turismo creativo e no que partiparán entidades de Inglaterra, Irlanda, Irlanda do Norte, Escocia, Gales, Portugal, País Vasco e Galicia. O concelleiro, acompañado do Xerente de Turismo de Santiago, Iñaki Gaztelumendi, tamén presentou dous novos Walking Tours, enmarcados no turismo creativo, un consistente nunha visita a talleres de artistas...
FESTAS
O polifacético artista Boris Izaguirre fará o pregón do Apóstolo deste ano
O concelleiro de Festas de Santiago de Compostela, Xosé Baqueiro, anunciou esta mañá o nome do pregoeiro do Apóstolo 2008, que será o polifacético venezolano Boris Izaguirre. Trátase dunha personaxe popular que garda unha estreita relación coa cidade de Compostela, tanto persoal como profesional, pois aquí comezou a súa carreira nos medios de comunicación ao traballar na produtora CTV. "É unha persoa que lle ten especial agarimo e cariño á cidade e sempre que ten oportunidade fala do seu...
ALCALDÍA
A nova depuradora da Silvouta podería licitarse en outubro
O alcalde, Xosé A. Sánchez Bugallo, reuniuse en Madrid coa ministra de Medio Ambiente, Elena Salgado, que lle explicou que o anteproxecto da nova depuradora de A Silvouta, que custará uns 56 millóns de euros, está entregado. A depuradora podería licitarse a finais de ano se queda exenta da declaración de impacto ambiental.