Noticias

Compostela acolle, este semana, a terceira parada da ruta itinerante do Delas Fest, que se desenvolve, desde o 24 de agosto ao 20 de setembro, en diferentes espazos do noso concello e de Teo, Ames e Brión. Un festival que, segundo explicou a concelleira de Acción Cultural defínese cos valores de feminismo, solidariedade, compromiso e creación. Mercedes Rosón realizou estas declaracións na presentación das distintas actividades programadas, na que tamén interviron o secretario xeral de Políticas Lingüísticas,...

Así llo comunicou o alcalde de Santiago, Xosé Sánchez Bugallo, ao presidente da Federación de ANPAS de Santiago, Fernando Lacaci, trala reunión mantida hoxe na Alcaldía e que segue á que o rexedor celebrou onte cos directores dos centros de educación infantil e primaria. Na xuntanza abordáronse dous dos temas que preocupan á comunidade educativa: o servizo de comedores e madrugadores e a limpeza das instalacións.

As Xornadas de Música Contemporánea, impulsadas polo Concello, a USC e o Centro Galego de Arte Contemporánea, volven do 9 ao 23 de setembro cunha proposta de media ducia de concertos e espectáculos que traen a Compostela as propostas máis innovadoras do panorama musical contemporáneo.

A próxima semana celébranse a Noite do Patrimonio e a Semana do Patrimonio invisible, dúas actividades destinadas a poñer en valor a riqueza arquitectónica e cultural de Santiago. A Noite do Patrimonio, organizada no marco das actividades do Grupo Cidades Patrimonio de España celébrase o día 12. Pola súa banda, a Semana do Patrimonio Invisible celebra a súa terceira edición do 14 ao 18 de setembro, ofrecendo máis de medio cento de visitas a espazos habitualmente pechados ao público.

Desde hoxe luns, 7 de setembro, está aberto o prazo de preinscrición nas actividades dos centros socioculturais. Podes facela no enlace que atoparás ao final desta noticia.

A Xunta de Goberno Local, reunida hoxe, deu conta da ampliación das operacions realizadas para incrementar o crédito da convocatoria de "Axudas para a mellora e innovación do comercio local", do programa " Coidar para mellorar. Anualidade 2020".

Os directores e directoras dos 13 centros de educación infantil e primaria do municipio asistiron esta mañá a unha reunión co alcalde de Santiago, Xosé Sánchez Bugallo, que estivo acompañado pola concelleira de Políticas Sociais, Mila Castro, e a técnica do Departamento de Educación, Beatriz Varela.

A concelleira Mercedes Rosón, acompañada pola voceira do grupo municipal do BNG, Goretti Sanmartín; e o concelleiro do grupo municipal popular José Antonio Constenla, recibiu hoxe na praza do Obradoiro a un grupo de peregrinos formado por afectados por esclerose lateral amiotrófica e esclerose múltiple.

O concello de Santiago celebrou un pleno extraordinario no que tomaron posesión como concelleiros de Compostela Aberta Xan Xesús Duro Fernández e María Rozas Pérez, en substitución de Martiño Noriega e Rafael Peña. Durante a sesión, tamén se formalizou a renuncia da concelleira de Educación, Políticas de Igualdade, Mocidade, e Políticas Lingüísticas, Noa Díaz Varela, despois da súa elección como deputada no Parlamento de Galicia nas pasadas eleccións...

Trala marcha da concelleira de Educación ao Parlamento, as competencias nesta área serán asumidas directamente pola Alcaldía. Así o comunicou o rexedor compostelán, Xosé Sánchez Bugallo, que indicou que o fará coa participación de todo o goberno para garantir que se cumplen os "retos que nos esperan nas mellores condicións".