Noticias

Co fin de elaborar novas estratexias e programas de rehabilitación, así como da definición das próximas convocatorias de axudas á rehabilitación, e atendendo á actual situación de crise sanitaria, a Concellaría de Urbanismo, Vivenda e Cidade Histórica abre un período extraordinario de inscrición no Limiar, a listaxe municipal de propietarios de edificios residenciais implicados en actuacións para a súa rehabilitación.

Mañá venres remata o prazo de preinscrición en Verán no rural, o programa de conciliación que se desenvolverá durante o mes de xullo en seis centros socioculturais do rural compostelán. A participación nas actividades é de balde. As familias interesadas deben enviar a ficha de preinscrición (Anexo I) ao correo electrónico mposeo@santiagodecompostela.gal ou acudir presencialmente á Casa das Asociacións de Cornes en horario de 9:00 a 14:00 horas.

O concelleiro de Turismo, Sindo Guinarte, e a xerente de Turismo de Santiago, Flavia Ramil, reuníronse no Pazo de Raxoi con representantes da Asociación Hostalaría Compostela: a súa presidenta, Sara Santos; o membro da xunta directiva pola sección de restauración, Lois Lopes; e o seu xerente, Ramón García.

Baixo o lema "Música para camiñantes", o domingo 21 de xuño celébrase o Día Europeo da Música. Compostela únese a esta celebración cun programa de concertos ao aire libre de diversos estilos en prazas e rúas ao longo de toda a xornada.

A xornada "Sexualidade feminina" pon mañá xoves punto e aparte ao programa Artellando Feminismo, do Departamento de Igualdade, que retornará en setembro con outras dúas actividades presenciais.

A fibra óptica chegará á rúa do Franco este verán e á totalidade do conxunto histórico compostelán nun prazo estimado de sete meses. Esta é previsión do plan de despregamento que o director territorial de Relacións Institucionais do operador Orange, Óscar Aragón, presentou hoxe ao alcalde de Santiago de Compostela, Xosé Sánchez Bugallo; á directora da Axencia para a Modernización Tecnolóxica de Galicia (Amtega), Mar Pereira; e á directora xeral de Patrimonio da...

Dende este martes e ata o próximo 5 de xullo está aberto o prazo de presentación de solicitudes da convocatoria de subvencións a asociacións veciñais sen ánimo de lucro, para o desenvolvemento de programas e actividades de interese xeral durante o exercicio 2020. O Concello de Santiago destina a estas axudas a contía de 100.000 euros.

A partir de hoxe e ata o 14 de xullo, queda aberto o prazo de presentación de solicitudes da convocatoria de axudas para a mellora e innovación da restauración e a hospedaxe compostelá. O Concello de Santiago, a través da Concellaría de Turismo, destina a estas subvencións 100.000 euros, ampliables noutros 300.000 en función da demanda. O obxectivo destas axudas é fomentar a innovación na restauración e hospedaxe de Santiago, como ferramenta fundamental para incrementar a súa competitividade empresarial e...

O alcalde de Santiago, Xosé Sánchez Bugallo, e o conselleiro de Cultura e Turismo, Román Rodríguez, acompañados por responsables da Asociación para a Defensa do Patrimonio Cultural Galego (APATRIGAL) e do responsable do achado, supervisaron esta mañá o comezo do traballo de recuperación dunha talla de vulto redondo que representa unha Virxe sedente con anxos. A escultura será trasladada ao longo do día de hoxe ao Museo das Peregrinacións e de Santiago, onde será depositada e estudada en profundidade...

A Xunta de Goberno Local celebrada este luns adoptou diversas medidas de acordo coas esixencias marcadas dende este luns pola Xunta de Galicia na nova etapa de normalidade. Entre estas decisións figura o reordenamento dos aforos dos mercados de Abastos e de Salgueiriños, a continuidade do programa do tícket especial de compra ou a volta do estacionamento ORA á situación antes da crise da COVID-19.