ALCALDÍA
O alcalde aposta por aproveitar as posibilidades turísticas do Entroido dos Xenerais da Ulla
O alcalde de Santiago, Agustín Hernández, presentou o programa do Entroido Tradicional dos Xenerais da Ulla 2015, Festa de Interese Turístico de Galicia. O calendario esta edición, que se prolongará ata o 1 de marzo, inclúe un programa de menús de Entroido e turismo rural, unha unidade didáctica para colexios e unha exposición fotográfica.
CONSORCIO
O violoncellista granadino Guillermo Pastrana toca coa Real Filharmonía de Galicia nos seus concertos en Santiago e Ferrol
A Real Filharmonía de Galicia celebra esta semana dous concertos. O mércores día 28, a orquestra desprazarase a Ferrol, onde actuará no Teatro Jofre, ás 20:30 horas. E o xoves 29 tocará en Santiago de Compostela, ás 21:00 horas, no Auditorio de Galicia. En ámbalas citas levará a batuta o director titular e artístico da agrupación, o mestre Paul Daniel.
TURISMO
Turismo de Santiago e Aer Lingus colaboran na promoción da cidade no mercado irlandés
Turismo de Santiago participa na Holiday World Show, a principal feira turística do mercado irlandés, un dos mercados que esta tendo un maior crecemento na cidade nos últimos anos. Nesta feira, Turismo de Santiago e Aer Lingus, en colaboración coa Oficina Española de Turismo en Dublín, sortearán unha viaxe a Santiago para dúas persoas.
TURISMO
Santiago consolida a súa recuperación turística co mellor dato de pernoctacións dende o Ano Santo 2010
No ano 2014 consolidouse a recuperación turística de Santiago de Compostela, cun total de 1.164.673 pernoctacións. É a mellor cifra dende o Ano Santo 2010 e a terceira mellor dos últimos dez anos, só por detrás do propio Ano Santo e do ano 2009. Deste xeito, Santiago superou no 2014 as cifras dos anos anteriores, senón tamén as cifras dos anos previos ao comezo da crise económica. Por exemplo, no ano 2007 houbo 1.153.533 e no 2006 1.021.930.
XUNTA DE GOBERNO
O Concello restaura outro tramo do Sarela e avanza cara a creación dun Grande Itinerario Natural polas ribeiras dos dous ríos da cidade
A Xunta de Goberno aprobou o proxecto da segunda fase da restauración do tramo do río Sarela entre O Romaño e Galeras, no contorno do antigo curtidoiro da Pontepedriña de Arriba. Dáselle así continuidade á mellora ambiental que o Concello vén realizando neste importante itinerario fluvial.
XUNTA DE GOBERNO
A Xunta de Goberno aproba o proxecto da terceira das obras comprometidas coa parroquia de Angrois: o almacén veciñal
O alcalde, Agustín Hernández, anunciou a aprobación do proxecto básico e de execución para a construción dun almacén destinado á Asociación de Veciños de Angrois. Satisfarase así o terceiro dos compromisos adquiridos no seu día cos veciños desta parroquia para a mellora do seu equipamento comunitario.
CULTURA
"Música con sabor español" este domingo no Teatro Principal coa Banda Municipal
O virtuosismo emocional e pasional será o leitmotiv que guiará o percorrido da Banda Municipal pola música nacionalista española, onde a evocación, a profunda tradición relixiosa do noso pobo e a herdanza árabe conflúe no flamenco como forma de expresión dos sentimentos máis profundos, con suxestivos ritmos, xiros musicais e sonoridades. Será este domingo, 25 de xaneiro, ás 12:00 horas, no Teatro Principal.
CULTURA
Música clásica, tradicional, teatro e humor no programa cultural para esta fin de semana
O programa cultural desta fin de semana ofrece cinco propostas que xiran arredor da música clásica, a tradicional, o teatro e o humor. Na xornada do sábado teremos ás 18:30 horas, no Auditorio de Galicia, concerto coa Real Filharmonía de Galicia no ciclo Infantil & Familiar; ás 20:30 horas, Pandeiromus presenta o seu novo disco no Teatro Principal, enmarcado en Sons’15 e, ás 21:00 horas, chega ao Auditorio Abanca e dentro do ciclo Teatro 2015, El nombre de la rosa. O domingo, ás 12:00 horas, no Principal haberá...
DESENVOLVEMENTO URBANO SOSTIBLE
O Concello pon a disposición das familias 100 novos composteiros caseiros e un comunitario
O Concello de Santiago, en colaboración con Adega, abre unha nova convocatoria de compostaxe caseira. Súmanse outros 100 composteiros aos 506 xa existentes e un novo composteiro comunitario que se situará a carón das hortas de Fontiñas, complementando así o xa existente nas hortas de Belvís.
DEPORTES
Uns 150 tiradores competirán na novena edición do Open Compos de esgrima
O pavillón de Pontepedriña acollerá este sábado 24 e o domingo 25 de xaneiro, a IX edición do Open Compos de esgrima, organizado pola Asociación Compostela Esgrima. O Concello colabora un ano máis con este torneo, un dos máis atractivos do calendario da esgrima nacional.