Noticias

O alcalde de Santiago, Agustín Hernández anunciou que o Concello renovará a flota de autobuses do servizo de transporte urbano en 2015. Así, o Goberno local acordou poñer en coñecemento da UTE concesionaria do transporte urbano (TRAPSA-AULUSA) a necesidade de iniciar de inmediato o procedemento de licitación de 11 novos autobuses para incorporar neste ano, nos que se investirán 3.603.380 euros.

A Xunta de Goberno aprobou as bases para a adxudicación de licenzas de venda ambulante no Mercado de Salgueiriños, que afectan a 65 postos actualmente libres nesa superficie.

A Xunta de Goberno, na súa sesión ordinaria, adxudicou o Servizo de Axuda no Fogar á empresa Valoriza Dependencia, por un importe de 15,22 euros/hora de atención. Para esta finalidade, o Concello reserva nos seus orzamentos un total de 1.801.883 euros, distribuídos entre os anos 2015 (685.831 €), 2016 (914.441 €) e 2017 (228.611 €).

O Festival de Músicas Contemplativas ofrece catro concertos esta fin de semana e un máis na xornada do luns. Será co Meshk Ensemble e Lucentum XVI o sábado; a Banda Municipal de Música e a Capela Antiga do Orfeón Terra a Nosa o domingo e, xa na xornada do luns, estarán Resonet e a Escolanía da Catedral de Santiago. As entradas para todos os concertos son de balde previa retirada no despacho de billetes do Teatro Principal, que abre de 17:00 a 21:00 horas.

No marco das actuacións que o Consorcio de Santiago leva a cabo no patrimonio do termo municipal, e moi estreitamente relacionado coa cidade histórica e os Camiños de Santiago, vaise intervir na igrexa de San Paio de Sabugueira, situada na Lavacolla. Os traballos, cuxo orzamento global ascende aos 18.554,44 euros, centraranse na cuberta e na fachada principal do templo e está previsto que rematen no prazo de dous meses.

A concelleira de Educación, Maite Cancelo, presentou no colexio Monte dos Postes a iniciativa Comigo, contas. Debuxa Comigo! Postais para a esperanza. Trátase dun proxecto, promovido polo seu Departamento en colaboración coa Asociación Cultural Confraría de Estudantes de Santiago de Compostela e a Secretaría Xeral de Política Lingüística, que pretende concienciar aos máis pequenos dos problemas reais que moitas persoas padecen na actualidade e amosarlles cómo "Podemos facer moito con moi pouco", como...

A Concellería de Cultura continúa desenvolvendo o programa Imos de excursión 2015, que oferta viaxes e saídas promovidas desde os centros socioculturais. Nesta ocasión, organiza unha excursión dun día ao Portugal da Limia, que terá lugar o domingo 19 de abril.

Este sábado, a cidade de Santiago de Compostela volverá á Idade Media por unhas horas grazas ao xogo de rol Fillos do Trono, organizado pola Concellería de Xuventude e a UMAD.

Como xa vén sendo habitual nos últimos anos, a última fin de semana do mes de marzo celébrase a Hora do Planeta ou Earth Hour, impulsada polo World Wide Fund for Nature (WWF) a nivel mundial. Santiago de Compostela volverá a sumarse a esta cita.

O Pleno da Corporación aprobou inicialmente, co voto favorable do grupo do Goberno e a abstención dos grupos socialista e nacionalista, a nova ordenanza municipal reguladora da tramitación das licenzas urbanísticas e outras formas de intervención administrativa. Esta norma, aprobada previamente pola Xunta de Goberno, axilizará a tramitación na posta en marcha das actividades e obras de acondicionamento de locais, eliminando trabas burocráticas innecesarias, liberalizando o exercicio de actividades de servizos, en sintonía cos...