Noticias

A concelleira de Obras e Infraestruturas, María Castelao, reunirase a vindeira semana con técnicos do Instituto Galego de Vivenda e Solo (IGVS) para falar sobre as deficiencias na execución das obras de urbanización do SUNP-13 do Combarro, no Castiñeiriño.

O novo ciclo da Concellería de Cultura, Música de Cámara, ofrece o sábado 5 un segundo concerto na Sala Mozart do Auditorio de Galicia. Será nesta ocasión con Airas Ensemble. Poderemos escoitalos a partir das 20:30 horas e as entradas, 6 € (30 € para todo o ciclo), poden mercarse na billeteira do Principal de martes a sábado de 18:00 a 21:00 horas e na do Auditorio, o día do concerto, a partir das 18:00 horas. Despois deste concerto, e logo da inauguración con Philhartrompía Quartet, poderemos escoitar neste ciclo...

A concelleira de Facenda e Orzamentos, Cecilia Sierra, comunicou en rolda de prensa que o Ministerio de Facenda e Administracións Públicas deu o visto bo ao Plan de Axuste presentado no seu día polo Concello de Santiago para afrontar o pago a provedores. Se ben o prazo destes para acollerse a este sistema de pago remata o 8 de maio, a día de hoxe, as certificacións individuais presentadas xa alcanzan os 11, 5 millóns de euros.

A concelleira de Familia, Benestar Social, Muller e Emprego, Paula Prado, presentou tres novas actividades do Plan de Prevención Municipal de Drogodependencias 2011-2012, que levará a cabo a Unidade Municipal de Atención a Drogodependentes (UMAD). Trátase de tres propostas dirixidas, respectivamente, á Policía Local, aos mozos e aos pais.

A concelleira de Turismo, Reyes Leis, asistiu na Praza de Abastos á presentación da XXI edición da Festa do Melindre e da Repostería da Terra de Melide. O Concello únese así á promoción desta celebración nunha vila que é punto de paso do Camiño de Santiago.

Quince alumnas e alumnos participaron no primeiro dos obradoiros do Programa ACTÍVA-T, organizados polo Equipo de Dinamización Social Urbana Santiago Norte-SS.SS en colaboración co Centro Juan XXIII. Este primeiro taller estivo dedicado á "Elaboración e degustación de pinchos saudables".

Ángel Currás segue coa súa rolda de reunións institucionais con diversas autoridades políticas, eclesiásticas e académicas con motivo da súa recente toma de posesión como alcalde. Nesta ocasión mantivo un encontro co arcebispo de Santiago, Julián Barrio.

O concelleiro de Festas, Francisco Noya, presentou o programa das Festas da Ascensión, que se celebrarán do 16 ao 20 de maio. Acompañárono na rolda de prensa Xoel López e Eladio, de Eladio y los Seres Queridos, uns dos protagonistas no concerto principal destas festas, o festival SONA.

O alcalde compostelán reuniuse en audiencia coa presidenta do Parlamento, Pilar Rojo. Esta foi a primeira visita institucional de Ángel Currás dende a súa toma de posesión como rexedor municipal. Nos vindeiros días continuará a súa rolda de reunións con autoridades políticas, eclesiásticas e académicas.

A Xunta de Goberno, nunha sesión extraordinaria, aprobou o convenio de colaboración coa Consellería do Medio Rural e do Mar para a realización de labores preventivos nos montes do municipio, por importe de 23.297 euros.