Noticias

O alcalde compostelán, Ángel Currás, recibiu os participantes do Curso Camiño de Santiago. Este curso ofrece aos participantes mellorar o seu español á vez que coñecen máis sobre o Camiño de Santiago.

O alcalde compostelán, Ángel Currás, expresou a súa satisfacción pola aprobación polo Consello da Xunta da apertura do trámite de licitación do novo centro de saúde de Galeras, no que se investirán 3,3 millóns de euros. Agarda que esta sexa unha actuación "relativamente rápida", de xeito que o Casco Histórico poida dispor pronto do seu centro de saúde.

A concelleira de Educación, Rebeca Domínguez, e a directora da Fundación Radio ECCA en Galicia, Carmen Dios, presentaron o curso de educación de adultos da Fundación Radio ECCA, cuxas clases acollerá o CEIP Apóstolo Santiago. O obxectivo desta formación é a obtención do título de Graduado en Secundaria, estudando dende a casa e con dúas clases presenciais á semana.

O director-xerente do Auditorio de Galicia, José Víctor Carou, presentou a programación de outubro a decembro do ciclo Falabaratos: monólogos, contos e outros shows. O ciclo trae nestes tres meses ao mellor da escena humorística actual á nosa cidade. Así, teremos a Goyo Jiménez; Ángel Martín e Ricardo Castella; Leo Harlem e amigos; David Guapo e Berto Romero. As funcións, sete en total, serán todas no Teatro principal a excepción da de Leo Harlem, que será no Auditorio de Galicia.

A Concellería de Barrios continúa a executar unha serie de obras en 17 barrios da cidade, cun investimento total previsto de 800.733 euros. Xa se iniciaron as actuacións en barrios como a Rocha Vella. Outras, como as de Sar ou Quiroga Palacios- Pontepedriña, avanzan segundo o previsto e, nalgúns casos, xa se remataron. Nas vindeiras semanas continuarán adxudicándose novas obras.

O alcalde compostelán, Ángel Currás, asistiu á presentación da XXXV Carreira Pedestre Popular de Santiago, que se celebrará o domingo 28 de outubro.

O alcalde compostelán, Ángel Currás, recibiu o embaixador do Reino Unido en España, Giles Paxman.

Tras coñecer os datos de chegada de peregrinos no mes de setembro e o acumulado do ano 2012, ofrecidos pola Oficina do Peregrino, a concelleira de Turismo, Reyes Leis, expresou a súa satisfacción polas cifras, que reflicten un crecemento do 5% respecto a setembro do pasado ano. No conxunto de 2012, xa chegaron a Compostela 7.000 peregrinos máis.

O concelleiro de Deportes, Adrián Varela, presentou a nova páxina web da Concellería de Deportes. Esta ferramenta ofrece aos tanto aos clubs da cidade como a calquera interesado na práctica do deporte toda a información sobre eventos, instalacións, entidades deportivas, etc.

A Concellería de Comercio e Santiago Centro colaboran na organización dunha acción formativa dentro do programa Santiago Investors Support, que terá lugar o 4 de outubro no Hotel Araguaney e que ten coma obxectivo analizar a realidade do comercio en Santiago de Compostela e definir accións que axuden a todos os profesionais do comercio a facer unha mellor xestión do seu negocio.