Noticias

Co festival a piques de chegar ao seu fin, as estreas non paran en Cineuropa na xornada deste sábado. Ás 19:45 horas, no Teatro Principal, poderemos asistir ao primeiro pase de Mr. Turner, biopic nada convencional que Mike Leigh realiza sobre a vida dun dos pintores máis emblemáticos do Romanticismo británico, William Turner. Timothy Spall, actor fetiche de Leigh, gañou o premio ao mellor actor en Cannes e conta con moitas posibilidades de levar o Oscar.

O Concello de Santiago está xa traballando na organización da Cabalgata de Reis 2015 e este ano como novidade, e ante a demanda que todos os anos se xera entre os nenos e nenas por formar parte da comitiva dos Reis Magos ou das diversas carrozas, realizará un sorteo entre todos os nenos e nenas interesados para que participen.

Este domingo 30, a Banda Municipal de Música ofrece un concerto no Teatro Principal ás 12:00 horas, co que clausurará o Ciclo de Outono. Estará dirixida polo director convidado David Fiuza, que ofrecerá un interesante percorrido histórico pola música orixinal para banda.

O Pleno da Corporación, na sesión ordinaria do mes de novembro, aprobou inicialmente o orzamento municipal para 2015, que ascende a 102,6 millóns de euros. Son unhas contas expansivas que presentan o maior nivel de gasto social e investimento produtivo da lexislatura.

A Corporación de Santiago de Compostela aprobou a seguinte declaración:

O alcalde de Santiago, Agustín Hernández, participou esta noite no acto de homenaxe aos asociados organizado pola Asociación de Empresarios do Polígono do Tambre, e sumouse ao recoñecemento realizado ás empresas que cómpren un cuarto de século formando parte da Asociación.

A concelleira de Servizos Sociais, María Corral, inaugurou o II Congreso Internacional de Intervención e Prevención da Violencia de Xénero, que se celebra na Cidade da Cultura dende este xoves ata o vindeiro sábado. Esta iniciativa, que se enmarca na conmemoración do Día Internacional contra a Violencia de Xénero (25 de novembro), pretende ser ferramenta informativa e formativa útil para a loita contra a violencia sexista.

A concelleira de Turismo, Reyes Leis, presentou no Pazo de Raxoi unha edición especial de Nadal de Compostela Gastronómica, evento que naceu este pasado mes de setembro para promocionar a cidade como destino gastronómico. O obxectivo é consolidar a marca Compostela Gastronómica a través dun evento que continúa coa liña marcada na primeira edición, centrando os seus contidos nos produtos galegos e nos cociñeiros da cidade.

O Consorcio de Santiago celebra esta fin de semana dous novos obradoiros didácticos para nenos no Museo das Peregrinacións e de Santiago (sede da praza das Praterías). Con esta iniciativa, dirixida a rapaces de entre 6 e 12 anos, búscase que os máis pequenos se acheguen á historia de Compostela de xeito lúdico.

Nunha reunión presidida polo alcalde, Agustín Hernández, o Goberno municipal informou ao Consello de Relacións Veciñas das inversións do Concello no rural e na zona urbana.