Noticias

Ás 22.00 horas do domingo 28 remata o prazo para participar na segunda edición da San Silvestre de Santiago, unha proba que pretender culminar dunha forma sa e festiva o ano atlético na cidade. A carreira celebrarase o mércores 31 de decembro ás 18.00 horas, cun percorrido renovado e máis atractivo: con saída na Porta dos Leóns da Alameda e chegada na Praza do Obradoiro. Espérase a participación de máis de 1000 atletas, superando os 700 da pasada edición.

As patoloxías existentes permitían a entrada de auga, coa aparición de humidade no baixo cuberta e no interior do templo. O orzamento global dos traballos ascendeu aos 67.215,50 euros.

A Árbore das ilusións decorada cos adornos feitos polos veciños e veciñas de Compostela xa loce en todo o seu esplendor no Ensanche de Santiago. Os elementos decorativos tamén se colocaron pola praza Roxa.

O Pleno ordinario celebrado hoxe pola Corporación Municipal acordou por unanimidade a concesión da Medalla de Ouro da cidade e do título de Fillo Adoptivo ao escritor Salvador García-Bodaño, en recoñecemento á súa relevancia literaria e intelectual e pola súa implicación na vida cultural de Compostela e de Galicia.

Xa se coñecen os gañadores do Concurso de Beléns e do de Ambientación de Nadal que este ano celebra a súa terceira edición. Os premiadaos recibirán o seu agasallo o vindeiro luns no Pazo de Raxoi.

A praza de Mazarelos acolleu a ofrenda-homenaxe que a cidade lle quixo rendir a un dos seus fillos ilustres, como salientou o alcalde, que presidiu o acto. Foi un acto conxunto de entidades e institucións representativas de Santiago que acordaron conmemorar o cabodano centenario de Montero Ríos co obxecto de difundir entre a cidadanía a súa vida e obra.

O alcalde de Santiago, Agustín Hernández, acompañou aos representantes de SabadellGAllego na entrega do premio, que tivo lugar no Salón Vermello da Casa do Concello.

O volume achega unha selección de fotos históricas e imaxes actuais que amosan a ampla oferta da Praza en todo tipo de produtos. Os textos están en galego, castelán e inglés para facer o libro tamén accesible a un amplo colectivo de turistas. No acto estivo presente a concelleira de Comercio, Reyes Leis.

O Campus de Fútbol Vero Boquete alcanza a cuarta edición. A súa protagonista e a concelleira de Deportes, María Corral, presentaron este campamento en rolda de prensa, que se celebrará do 26 ao 28 de decembro.

O Concello de Santiago abrirá as portas da pista de xeo de forma gratuíta os días 24 e 31 deste mes de decembro para que todos aqueles que queiran achegarse ata a Alameda poidan disfrutar da pista en dúas datas sinaladas. Será en horario continuo de 10:00 a 19:30 horas.