Noticias

Este mércores, no Paraninfo da Universidade de Santiago de Compostela, os máis novos violinistas e pianistas da Escola Municipal de Música de Santiago de Compostela renderon homenaxe ao compositor Antón García Abril nun concerto no que estivo presente o propio autor, acompañado pola concelleira de Educación, Maite Cancelo.

A concelleira de Desenvolvemento Urbano Sostible, Teresa Gutiérrez, xunto co director técnico da Área, Ignacio Soto, presentou a nova Ordenanza reguladora da tramitación das licenzas urbanísticas e outras formas de intervención administrativa, aprobada inicialmente a pasada semana pola Xunta de Goberno. Esta norma axilizará a tramitación na posta en marcha das actividades e obras de acondicionamento de locais, eliminando trabas burocráticas innecesarias, liberalizando o exercicio de actividades de servizos, en sintonía cos...

A Concellería de Economía convoca, no marco do programa Santiago Investors Support, o concurso Desafio SCQ, co fin de fomentar a cultura emprendedora entro os estudantes e xerar vínculos entre estes e empresas do Concello de Santiago de Compostela. A convocatoria do concurso está aberta a todo o alumando de 3º e 4º da ESO, Bacharelato e Formación Profesional de Santiago, que conformen un grupo de catro ou cinco membros, titorizados por un docente do seu centro para desenvolver un dos desafíos propostos.

Trivago é o maior comparador de prezos do mundo e Talk to TIM é un comparador de prezos británico, especializado nos seguros de viaxes. Ambos recomendan visitar Santiago esta Semana Santa.

A axencia de Richard Bona vén de anunciar ao Concello que se ven na obriga de cancelar a xira española do artista camerunés prevista este mes de marzo por motivos de saúde. Queda cancelado, polo tanto, o concerto previsto para este domingo, 22 de marzo, no Teatro Principal, dentro do ciclo Jazz 1906.

A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes novos. Ao longo do ano ofrécese a posibilidade de asistir a unha serie de clases maxistrais que imparten solistas de prestixio internacional. A vindeira semana, a afamada violinista rusa Alina Pogostkina formará neste instrumento tanto aos alumnos da escola como a intérpretes externos interesados en perfeccionar a súa interpretación co violín.

O ciclo de Piano Ángel Brage, que se celebra dentro do Programa de Abono de Auditorio de Galicia, chega á súa VII edición. Inaugúrase este xoves 19 de marzo co alemán Lars Vogt, no Auditorio de Galicia. Tras el, o 24 de abril estará Herbert Schuch e pecharase o 14 de maio co debut en Compostela de Alexandre Tharaud. Todos serán ás 21.00 horas.

O Consorcio de Santiago saca a concurso a finalización do Plan Director do Conxunto de San Domingos de Bonaval. Será o documento guía que marcará os usos, mantemento e funcións deste conxunto monumental. O presuposto base da licitación é de 96.686,73 euros e estímase un prazo de execución dos traballos de 15 meses.

O alcalde de Santiago, Agustín Hernández, inaugurou, xunto co presidente da Xunta, Alberto Núñez Feijóo, a VII Exposición "Arte e Solidariedade". XXV aniversario de Proxecto Home Galicia, que estará no Museo do Pobo Galego ata o 26 de abril. A mostra, segundo explicou, acolle arredor dun centenar de obras e de artistas que "estenden a súa sensibilidade máis alá das súas creacións, nun xesto que amplifica a calidade do seu traballo".