COMERCIO
A Praza de Cervantes acolleu distintos obradoiros de orfebrería, organizados por Ourives de Compostela
A concelleira de Acción Cultural, Mercedes Rosón; e o concelleiro de Turismo, Sindo Guinarte, visitaron os obradoiros de orfebrería, organizados por Ourives de Compostela, e nos que colabora o concello de Santiago, que durante toda xornada se desenvolveron na Praza de Cervantes.
ALCALDÍA
O alcalde explica á Comisión Mixta do Peleteiro as propostas urbanísticas que irán ao pleno do día 29 para a Declaración Ambiental Estratéxica
O alcalde de Santiago, Xosé Sánchez Bugallo, e a concelleira de Urbanismo, Mercedes Rosón, expuxeron, ante a "Comisión mixta para o desenvolvemento urbanístico da parcela do antigo colexio Peleteiro", as tres alternativas de modificación puntual do PXOM no ámbito do PERI-12 (antigo colexio Manuel Peleteiro). Estas tres propostas, xunto a outra, que están últimando os técnicos muncipais, son as que se "que se van levar para a Declaración Ambiental Estratéxica, ao pleno do videiro día...
SEGURIDADE CIDADÁ
"Protexemos o Camiño: Ano Xubilar 2021-2022", o novo dispositivo da Policía Nacional para o Camiño de Santiago
O director xeral da Policía, Francisco Pardo Piqueras, presentou esta mañá no Pazo de Raxoi o programa "Protexemos o Camiño: Ano Xubilar 2021-2022", o dispositivo de seguridade da Policía Nacional para garantir a seguridade dos peregrinos e dos turistas que percorren as diferentes etapas do Camiño de Santiago. O acto contou coa presenza do alcalde, Xosé Sánchez Bugallo; a subdelegada do Goberno na Coruña, María Rivas; o concelleiro de Seguridade Cidadá, Gonzalo Muíños; e o director xeral de...
URBANISMO
Reunión da Comisión Especial para o desenvolvemento urbanístico da parcela do antigo colexio Peleteiro
Hoxe reuniuse a "Comisión especial para o desenvolvemento urbanístico da parcela do antigo colexio Peleteiro". Segundo explicou o alcalde, Xosé Sánchez Bugallo, na comisión estívose traballando sobre as diferentes propostas "que se van levar para a Declaración Ambiental Estratéxica, ao pleno do videiro día 29" de xuño.
FESTAS
As festas do Apóstolo volven poñer en valor o Traxe Galego
O concelleiro de Festas, Gonzalo Muíños, acompañado pola presidenta da Asociación do Traxe Galego, Pilar Astray, e pola vicepresidenta da entidade, Rosa López, presentou unha nova edición do Día do Traxe Galego, unha desas citas que xa vai unida dende hai décadas ás festas do Apóstolo. De feito, esta é xa a edición número 42 deste Día do Traxe, que se celebrará o martes 27 de xullo.
ACCIÓN CULTURAL
Preséntase o primeiro libro sobre a historia da danza contemporánea en Galicia, escrito por Afonso Becerra de Becerreá
A concelleira de Acción Cultural, Mercedes Rosón, presentou o libro "História da Dança contemporánea na Galiza", acompañada do seu autor, Afonso Becerra de Becerreá; e Valentim Fagim, responsable de Através Editora, que publica a obra. Roson definiu o libro como "un traballo importante, un estudo rigoroso que era absolutamente necesario, porque nunca antes se fixera esta análise sobre a danza contemporánea en Galicia"
XUNTA DE GOBERNO
Aprobado o financiamento municipal para as ARIs no marco do Plan Estatal de Vivenda 2018-2021
A Xunta de Goberno Local, reunida en sesión extraordinaria e urxente, aprobou o financiamento e número de actuacións para as ARI (Área de Rehabilitación Integral en Santiago de Compostela), por un total de 580.663.4 euros. Esta aportación municipal divídese en dúas partes: unha para actuacións de nova edificación de 336.000 euros, e outra de equipo técnico e de xestión de 244.663,42 euros.
IGUALDADE
O Verán CampUSC 2021 impulsado pola Fundación USC e no que colabora o Concello de Santiago, supera a barreira das 500 inscricións
A concelleira de Políticas de Igualdade, Mercedes Rosón, e a vicerreitora de Igualdade, Cultura e Servizos, Mar Lorenzo Moledo, visitaron este mércores a terceira quenda do Verán CampUSC 2021, que se desenvolve ata o 24 de xullo. Este campamento urbano, impulsado pola Fundación USC e no que colabora o concello de Santiago, conta, nesta edición, cunha participación superior aos 200 nenos e nenas, nados entre 2004 e 2017. Moitos deles están apuntados en diferentes quedas, polo que supera xa a barreira das 500 inscricións.
MEDIO AMBIENTE
Santiago de Compostela terá unha depuradora sustentable, eficiente e de deseño innovador cun investimento previsto de 68 millóns de euros
O Pazo de Raxoi acolleu esta mañá a presentación do proxecto da oferta adxudicada para a construción da depuradora de Silvouta, que terá unha capacidade de tratamento futuro de 277.000 habitantes equivalentes e permitirá pretratar a totalidade do caudal que chega polo emisario do río Sar en época de tormenta, realizando unha vertedura compatible coa calidade ambiental do medio receptor. Está previsto que o proxecto sexa cofinanciado polos fondos Next Generation da Unión Europea, en virtude do convenio de colaboración...
URBANISMO
A Comisión Asesora do Patrimonio Histórico dá luz verde á fase once de despregamento da fibra óptica
A Comisión Asesora do Patrimonio Histórico, informou favorablemente, entre outros asuntos, a fase once de despregamento de rede de fibra óptica na Cidade Histórica; e a ocupación de vía pública, coa colocación do palco, na Praza do Obradoiro, para a celebración do concerto do Festival da Luz, que terá lugar o día 21 de xullo, no marco das Festas do Apóstolo.
