LINGUA
Sacaúntos, Lila de Lilith e Imaxin, distinguidas no XVI Premio Manuel Beiras
O alcalde de Santiago, Martiño Noriega, e o vicepresidente da Cámara de Comercio de Santiago, Evaristo Rodríguez, deron a coñecer este xoves en rolda de prensa o nome dos gañadores do Premio Manuel Beiras. Sacaúntos Cooperativa Gráfica, a libraría de mulleres Lila de Lilith e Imaxin Software foron as empresas galardoadas nesta décimo sexta edición. A entrega de distincións celebrouse pola tarde na propia Cámara de Comercio.
ALCALDÍA
O alcalde recibe os traballadores e traballadoras xubilados e agradécelles o seu labor pola cidade de Santiago
O Salón Nobre do Pazo de Raxoi foi o lugar sinalado para que o alcalde, Martiño Noriega, e varios membros, tanto do grupo de Goberno como da oposición, recibiran os 13 traballadores e traballadoras do Concello que se xubilaron neste ano.
BENESTAR ANIMAL
O CIAC acolle dende este venres un mercado solidario do Refuxio de Bando
O Centro de Interpretación Ambiental de Belvís acolle dende este venres a sexta edición do Mercado Solidario de Nadal organizado polo Refuxio de Bando. O obxectivo é achegar información á cidadanía sobre o traballo que realiza a Fundación, e recadar fondos para as instalacións.
ALCALDÍA
Martiño Noriega recibiu a Asociación de Veciños "A Unión", de Villestro
O alcalde de Santiago, Martiño Noriega, reuniuse no Pazo de Raxoi coa Asociación de Veciños "A Unión", de Villestro.
ACCIÓN CULTURAL
A Cabalgata de Reis 2016 será máis participativa que nunca e estará dedicada á música infantil galega
A concelleira de Acción Cultural, Branca Novoneyra, presentou a Cabalgata de Reis 2016, que este ano será "máis democrática, participativa e popular". Os nenos e nenas de Santiago poderán participar no percorrido como paxes, como integrantes do tren ou como parte da animación que acompañará a varias carrozas. Ademais, a deste ano será unha cabalgata temática, dedicada á música infantil galega.
EDUCACIÓN E CIDADANÍA
Publicada a listaxe de admitidos no Programa Municipal de Conciliación para o Nadal 2015
Finalizado o prazo para a solicitude de participación no Programa de Conciliación Laboral e Familiar para o Nadal 2015, a Concellaría de Educación e Cidadanía fai pública a listaxe de admitidos/as e excluídos/as. De todos os xeitos, continúa aberta a inscrición no programa ata cubrir as prazas vacantes.
EDUCACIÓN E CIDADANÍA
A Concellaría de Educación e Kalandraka convocan o IX Premio Internacional Compostela para Álbums Ilustrados
A Concellaría de Educación e Cidadanía, en colaboración coa editorial Kalandraka, convoca o IX Premio Internacional Compostela para Álbums Ilustrados, cunha dotación económica única de 9.000 euros en concepto de adianto polos dereitos de autor. O prazo de presentación dos traballos rematará o 7 de marzo de 2016 e o fallo do xurado coñecerase en abril, coincidindo co mes do libro e durante a XVI Campaña Municipal de Animación á Lectura.
MEDIO AMBIENTE
O Centro de Interpretación Ambiental de Belvís reabre as súas portas cunha ampla oferta de actividades para 2016
O concelleiro de Medio Ambiente e Convivencia deu conta este mércores da reapertura do Centro de Interpretación Ambiental de Compostela, en Belvís, e presentou o programa de actividades para os vindeiros meses. Fíxoo acompañado de Paula Lubián, responsable de proxectos de Feitoría Verde, a cooperativa que se encargará de xestionar o CIAC.
POLÍTICAS SOCIAIS
O Programa Municipal de Intervención Socioeducativa remata coa entrega de diplomas aos grupos participantes
A concelleira de Políticas Sociais, Diversidades e Saúde, Concha Fernández, estivo esta mañá no Centro de Atención e Benestar Social do Concello (CABES) para facer a entrega dos diplomas aos case 30 participantes do Programa Municipal de Intervención Socioeducativa.
ACCIÓN CULTURAL
O Chicago Mass Choir estará o vindeiro luns no Auditorio co seu tributo a B.B. King
O Chicago Mass Choir, dende o respecto e a fidelidade á tradición do gospel, presenta no Nadal do 2015 A spiritual tribute to B.B. King, unha sentida homenaxe ao rei do blues e lenda da música popular americana. Será o vindeiro luns, 21 de decembro, ás 20:30 horas, no Auditorio de Galicia. As entradas teñen un prezo de 20 euros e poden mercarse no despacho de billetes do Teatro Principal, no 902 434 443, en entradas.abanca.com e o propio día do concerto no despacho de billetes do...
