Noticias

Séguense ultimando os últimos detalles da I Compostela BBT, que se celebrará o domingo 12 de maio a partir das 9:30 horas. Con tal fin, reuníronse en San Lázaro o concelleiro de Deportes, Adrián Varela, e representantes do Club BTT Ultreia e de Protección Civil. O prazo de inscrición para esta proba remata o xoves 9 de maio. Pode realizarse en www.magmasports.es.

O concelleiro de Seguridade e Mobilidade, Luis Bello, acompañado da presidenta da Asociación de Veciños As Brañas de Andrés, Dolores Alende, da posta en marcha duna nova zona estacionamento para residentes. Será na zona de Pelamios, Salvadas e Vista Alegre. Os residentes e comerciantes poden xa solicitar as súas tarxetas a partir do luns 6 de maio.

Concello, Xunta de Galicia e Ministerio de Agricultura, Alimentación e Medio Ambiente seguen a traballar de xeito coordinado para axilizar a actuación da nova estación depuradora de augas residuais (EDAR) do Souto. Superado o trámite de impacto ambiental, estase a avanzar para asinar o convenio entre as tres administracións para a execución da infraestruturas. Así se constatou na reunión mantida en Raxoi polo alcalde, Ángel Currás, e a concelleira de Medio Ambiente, María Pardo, co conselleiro de Medio Ambiente,...

O alcalde compostelán, Ángel Currás, e as concelleiras de Normalización Lingüística, Rebeca Domínguez, e de Educación, María Castelao, asistiron no colexio San Pelayo-Emma ao inicio do programa O conto viaxeiro, que se desenvolverá ao longo do mes de maio en varios centros escolares. Este proxecto permitirá aos escolares ir construíndo a súa historia ao longo de dez sesións.

O alcalde compostelán, Ángel Currás e a concelleira de Turismo, Reyes Leis, recibiron o responsable da división cultural e asuntos internacionais do goberno da Prefectura de Wakayama (Xapón), Takashi Nishida.

O concelleiro de Festas, Francisco Noya, presentou o programa das Festas da Ascensión 2013, que se celebrarán do 8 ao 12 de maio. Macaco, Pignoise ou Rosa Cedrón son algúns dos nomes protagonistas no musical dunhas festas que inclúen propostas para todos os públicos.

O domingo 5 de maio, a praza do Obradoiro acollerá a saída e a chegada do XI Duatlon Cidade de Santiago, organizado pola Concellería de Deportes e o Triatlón Arcade Inforhouse. Uns 450 deportistas participarán nesta competición, que serve de Campionato Galego de Duatlón e tamén como final provincial nas categorías escolares. A estas probas sumarase un duatlón popular.

A Xunta de Goberno, na súa sesión ordinaria, autorizou a ampliación do horario de peche dos establecementos hostaleiros nas fins de semana da Ascensión e das Letras Galegas. Ademais, aprobou a liquidación so servizo de transporte urbano.

O alcalde compostelán, Ángel Currás, participou no xurado encargado de elixir o gañador da X edición do Premio Novela Europea Casino de Santiago. Finalmente, fíxose co galardón o escritor francés Emmanuel Carrère, pola súa novela De vidas ajenas.

O alcalde e presidente do Consorcio, Ángel Currás, inaugurou a exposición A Berenguela, que se exhibe xa na nova sede do Museo das Peregrinacións e de Santiago (praza de Praterías). Trátase dunha mostra visual sobre a Torre do Reloxo da Catedral de Santiago, unha das obras cume do barroco e que foi recentemente restaurada.