Noticias

O Concello de Santiago, a Cámara de Comercio e a Universidade asinaron hoxe un protocolo para establecer principios de colaboración e fortalecer a unión das tres institucións cara a promover o emprendemento empresarial e a innovación tecnolóxica. No acto estiveron os representantes das tres institucións: o alcalde da cidade, Martiño Noriega; o presidente da Cámara, Jesús Asorey; e o reitor da USC, Juan Viaño.

A concelleira de Políticas Sociais, Concha Fernández, presentou esta mañá en rolda de prensa a plataforma web Prestogal, que quere promover e potenciar o consumo colaborativo na nosa cidade. Facilitará o intercambio, préstamo e cesión de recursos entre os veciños e veciñas da cidade.

Onte e hoxe celebrárons as primeiras visitas do 6º ciclo de sesións didácticas que a Escola Municipal de Música vén realizando nos centros de ensino de Compostela. Son arredor de 30 sesións didácticas que teñen como obxectivo promover o achegamento da música aos máis pequenos na rede de centros educativos de Compostela. O ciclo está destinado ao alumnado do 3º ciclo de primaria e aos alumnos das escolas infantís do municipio.

A praza do Obradoiro acolleu unha concentración para condenar o último asasinato machista de Vitoria, no que perdeu a vida unha nena de 17 meses.

O alcalde, Martiño Noriega, e o concelleiro de Medio Ambiente e Convivencia, Xan Duro, achegáronse este mediodía ao Museo de Historia Natural Luis Iglesias. Foi unha visita que quedara comprometida dende a xuntanza que o rexedor mantivo, no Pazo de Raxoi, coa directora do centro. Da man da directora do Museo, Mabel Fraga, o alcalde e Xan Duro coñeceron polo miúdo o Museo, que ocupa un edificio construído para ese fin na Finca de Vista Alegre

A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes novos. Ao longo do ano ofrécese a posibilidade de asistir a unha serie de clases maxistrais que imparten solistas de prestixio internacional. A recoñecida violinista polaca Aleksandra Kuls formará neste instrumento tanto aos estudantes da escola como a alumnos externos interesados en perfeccionar a súa interpretación co violín.

O Concello vai acometer a reparación das arquetas que quedaron mal instaladas nos Basquiños, durante as obras de reurbanización da rúa. Estes traballos comezaron en agosto de 2014, e finalizaron un ano despois, pero nestes meses foron moitas as queixas dos veciños da zona polo ruído que producían as arquetas ao paso dos vehículos. A actuación correrá a cargo da empresa que executou a reforma da rúa, posto que estas obras aínda están en garantía.

Este sábado comeza o Entroido Gastronómico da Ulla, no que 25 restaurantes dos concellos da comarca nos que se celebra o Entroido dos Xenerais da Ulla ofertarán menús especiais con pratos e produtos típicos destas datas. Os menús especiais poderán degustarse nas fins de semana nas que se celebra o Entroido dos Xenerais da Ulla, do 30 de xaneiro ao 14 de febreiro.

A Concellaría de Acción Cultural continúa coas súas propostas para debater arredor da cultura, a participación cidadá e as formas de construír a cidade entre todos. Así, se o mes pasado tiñamos a oportunidade de intercambiar opinións con Joana Hurtado, do Can Felipa, arredor da súa experiencia neste centro cívico de Barcelona, este mes de xaneiro poderemos facelo con David Rodríguez AKA Tina Paterson.

O concelleiro de Medio Ambiente e Convivencia, Xan Duro, presentou hoxe o Plan Director das Zonas Verdes e Espazos Públicos de Santiago, nunha rolda de prensa na que estivo acompañado polo responsable do documento, o arquitecto Iñaki Alday. O edil explicou que este informe servirá "para definir as estratexias e actuacións a realizar nas distintas zonas do municipio, tanto nas parroquias como no ámbito urbano".