Noticias

A concelleira de Igualdade, Desenvolvemento Económico e Turismo, Marta Lois, presentou esta mañá as Xornadas de diálogos polo emprego no ámbito local. O mercado de traballo no sector da hostalería, que organiza o Departamento de Emprego.

O alcalde de Santiago, Martiño Noriega, acompañado pola concelleira de Deporte, Noa Morales, recibiron o xogador de squash Borja Golán. No encontro tamén participaron representantes dos diferentes grupos municipais.

O Administrador de Infraestruturas Ferroviarias presentará o anteproxecto da intermodal nun prazo de quince días, segundo o compromiso que adquiriu na reunión celebrada onte en Madrid, á que asistiu o concelleiro de Espazos Cidadáns, Dereito á Vivenda e Mobilidade. Jorge Duarte explicou que na xuntanza analizouse un primeiro proxecto, que será revisado para tratar de introducir algunhas demandas do Concello de Santiago.

A concelleira de Acción Cultural, Branca Novoneyra, presentou esta mañá os tres solos de danza de compañías galegas cos que o Concello celebra o 175 aniversario do Teatro Principal. Véñense unir ao Rinconete y Cortadillo de Alberto Conejero que puidemos ver o martes desta semana, día propio do aniversario. Os catro espectáculos recóllense nunha publicación que a Concellaría preparou con motivo do aniversario e no que tamén se inclúen dous artigos de Pablo Tomé, arquitecto do...

O Pleno da Corporación aprobou hoxe, por unanimidade, a Ordenanza de transparencia, acceso á información pública e reutilización de datos da Administración do Concello de Santiago. O texto adapta ás especificidades de Compostela a Lei 19/2013, coñecida como Lei de Transparencia, que entrou en vigor en decembro pasado para os concellos e as comunidades autónomas.

O Pleno da Corporación deulle hoxe o visto bo definitivo aos orzamentos municipais de 2016, que entrarán en vigor ao día seguinte da súa publicación no Boletín Oficial da Provincia. Os orzamentos deste ano ascenden a 99.400.897,44 euros. O orzamento consolidado, o que incorpora as contas do Auditorio, Incolsa e Tussa, sobe aos 102 millóns de euros.

O alcalde de Santiago, Martiño Noriega, e o concelleiro de Medio Ambiente e Convivencia, Xan Duro, recibiron unha delegación do Ministerio de Auga e Medio Ambiente da República Árabe Saharauí, encabezada polo seu titular, Brahim Mokhtar. O ministro asinou no Libro de Honra do Concello.

A Policía Local de Santiago está a dinamizar os Colecamiños dos CEIPs Pío XII e Raíña Fabiola a través de diversas actividades. Este mércores, na ruta morada de Galeras iniciouse neste centro English&Way, ás mañás en inglés con xogos sobre a educación viaria, nas que colabora o Centro Británico.

Os datos da enquisa de ocupación hoteleira do INE do primeiro trimestre amosan que a demanda turística de Santiago continúa coa súa recuperación. Nos primeiros tres meses do ano, os estabelecementos hoteleiros da cidade rexistraron 163.973 pernoctacións, que representan un aumento do 13,09% con respecto ao primeiro trimestre do ano pasado. É o mellor dato neste período dende o ano 2010, cando se celebrou o último Ano Santo.

Santiago de Compostela acollerá esta fin de semana a Copa Galicia de Clubs de xadrez, que se celebrará o sábado 30 de abril (categoría sub-16) e o domingo 1 de maio (categoría absoluta) no colexio Manuel Peleteiro. A concelleira de Deporte, Noa Morales, presentou en rolda de prensa este campionato, que é unha das referencias neste deporte a nivel autonómico.