COMERCIO E MEDIO AMBIENTE
Arrinca o "Barrio Xardín" co obxectivo de desenvolver o potencial comercial da contorna do Parlamento
O próximo 25 de maio quedará inaugurado o chamado "Barrio Xardín", a zona situada na contorna do Parlamento entre as rúas do Hórreo, avenida de Lugo, Bernardo Barreiro, Curros Enríquez e Neira de Mosquera. O tecido comercial e a veciñanza deste ámbito colaboraron no desenvolvemento dun proxecto que ten como obxectivo dinamizar o comercio da zona, recuperar os espazos públicos e mellorar a convivencia no ámbito. O programa "Barrio Xardín" desenvólvese no marco do programa Con B de...
IGUALDADE
A Concellaría de Igualdade colabora un ano máis no "Verán CampUSC"
O Concello de Santiago, a través da Concellaría de Igualdade, colabora por cuarto ano consecutivo coa Fundación USC Deportiva e a Vicerreitoría de Estudantes, Cultura e Responsabilidade Social da USC no programa Verán CampUSC, concibido como unha actividade deportiva, cultural, socioeducativa e de lecer, desenvolvida no período de verán, para rapaces e rapazas de 3 a 13 anos. A preinscrición xa abriu e pecharase o 9 de maio.
EDUCACIÓN E CIDADANÍA
Recepción ao alumnado de intercambio dos colexios Groupe Scolaire Sainte-Croix (Francia) e Peleteiro
O concelleiro de Educación e Cidadanía, Manuel Dios, acompañado doutros/as integrantes da Corporación, recibiu o alumnado do colexio Groupe Scolaire Sainte-Croix, da localidade de Quimperlé, na Bretaña francesa.
ALCALDÍA
Recoñecemento municipal aos atletas Jesús Cabo e Ramona Seijo, medallistas nos Mundiais Special Olympics de Abu Dhabi
O alcalde de Santiago, Martiño Noriega, recibiu en Raxoi aos deportistas Jesús Cabo e Ramona Seijo, gañador e gañadora de medalla na categoría de atletismo nos Xogos Mundiais Special Olympics, celebrados en Abu Dhabi (Emiratos Árabes Unidos) o pasado mes de marzo.
EDUCACIÓN E CIDADANÍA
A Escola Municipal de Música celebrará o seu Festival de Música e Movemento os días 7 e 8 de maio
Os días 7 e 8 de maio, ás 18:30 horas, o Teatro Principal acollerá o Festival de Música e Movemento que tradicionalmente organiza o Departamento de Música e Movemento da Escola Municipal de Música. O evento ten por finalidade dar a coñecer o traballo desenvolvido ao longo destes meses na Escola e contará coa participación de máis de 185 alumnos e alumnas de idades comprendidas entre os 3 e os 7 anos, acompañados do profesorado da EMM e das súas familias.
CONSORCIO
O clarinetista israelí Yehuda Gilad impartirá clases a músicos/as galegos/as
A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes noveis. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de prestixio internacional. Ademais de alumnos/as da Escola, tamén poden asistir a estas sesións músicos/as externos/as ao centro.
ALCALDÍA
Reunión de alcaldes e alcaldesas do Grupo Cidades Patrimonio
O alcalde de Santiago, Martiño Noriega, participou este martes na Casa Árabe de Madrid nunha reunión de alcaldes e alcaldesas do Grupo Cidades Patrimonio da Humanidade de España.