ALCALDÍA
Compostela reúne aos máximos expertos europeos en valoración inmobiliaria
Celébrase o "Seminario sobre modelos de valoración automatizada de bens inmobles con fins catastrais". Por este motivo están en Compostela os principais expertos europeos na materia. O evento organízao a Dirección Xeral do Catastro, cuxos responsables foron recibidos polo alcalde de Santiago, Xosé A. Sánchez Bugallo.
ALCALDÍA
Sánchez Bugallo: "Todas as actuacións comprometidas quedan recollidas nos Orzamentos do Estado"
Na súa habitual rolda de prensa de resumo da actualidade semanal, o alcalde compostelán, Xosé A. Sánchez Bugallo, cualificou como "notable" o esforzo inversor recollido nos Orzamentos Xerais do Estado. Ao seu xuízo, "todas as actuacións comprometidas con Santiago quedan recollidas nestes orzamentos".
ALCALDÍA
O alcalde mantén a "plena confianza" no compromiso da Xunta coa Cidade da Cultura
O alcalde compostelán, Xosé A. Sánchez Bugallo, valorou os orzamentos do Goberno autonómico para Galicia e, en particular a dotación prevista para a Cidade da Cultura. "O compromiso da Xunta con este proxecto é total; así o manifestou o seu presidente no Parlamento e así mo transmitiu a min", indicou.
ALCALDÍA
O alcalde de Santo Domingo foi recibido en Raxoi
A Casa do Concello foi escenario do encontro que mantiveron os rexedores de Santiago e Santo Domingo de Guzmán, capital da República Dominicana. Xosé A. Sánchez Bugallo departiu co seu homónimo, Roberto Salcedo Gavilán, por espazo de media hora e trataron temas que incumben a ámbalas dúas urbes, que teñen en común ser cidades Patrimonio da Humanidade declaradas pola UNESCO.
PROMOCIÓN ECONÓMICA
Os establecementos comerciais e hostaleiros de Compostela teñen unha clientela potencial de case 340.000 persoas
Converter a Santiago na central de compras de Galicia e do norte de Portugal é o obxectivo do Plan de Excelencia Comercial, que vén de presentar a Concellaría de Promoción Económica. Este programa vén acompañado dun estudo de diagnose, que indica que en Santiago hai 3.922 establecementos comerciais e hostaleiros, teñen unha clientela potencial de 339.966 persoas.
ALCALDÍA
O reitor da USC agradece o labor do alcalde nos seus dous anos á fronte do CEER
No salón de graos da Facultade de Económicas, o alcalde compostelán e presidente do Eixo Atlántico, Xosé A. Sánchez Bugallo, cedeu a presidencia do Centro de Estudos Eurorrexionais (CEER) ao reitor da Universidade de Santiago de Compostela, Senén Barro. Este agradeceulle a Sánchez Bugallo a posta en marcha do organismo e o labor feito nos dous anos que estivo á fronte.