PROMOCIÓN ECONÓMICA
Nacen dúas novas empresas creadas no marco de Equal Compostela Social
Abren as súas portas dúas novas empresas creadas no marco do Proxecto Equal Compostela Social, impulsado pola Concellaría de Promoción Económica e Emprego. Con estas son xa 27 as empresas constituídas a través deste programa dende que comezou a súa andaina, en novembro do 2005. 21 das empresas (78%), foron creadas por mulleres.
CONSORCIO
A exposición "Intramuros" pecha as súas portas tras recibir 130.000 visitantes
Dende a súa inauguración en xullo de 2006, 129.290 persoas puideron descubrir a cidade máis oculta na mostra "Intramuros", que o Consorcio de Santiago organizou na antiga sé do Banco de España co gallo do 15 aniversario do Real Padroado.
ALCALDÍA
Recepción á asociación cultural Alfaia
Na Casa do Concello, o alcalde compostelán recibiu aos representantes da asociación sociocultural Alfaia. Estes transmitíronlle a Xosé A. Sánchez Bugallo as súas inquedanzas e informárono sobre os seus proxectos educativos e culturais.
ALCALDÍA
O Concello intensificará os mecanismos de prevención fronte ao vandalismo nocturno
O alcalde compostelán, Xosé A. Sánchez Bugallo, recibiu á directiva de Acotés. Os representantes desta asociación de comerciantes transmitíronlle a súa preocupación polas roturas dos vidros de cinco escaparates acontecidas nas últimas semanas.
CASCO HISTÓRICO
Todo listo para o inicio das obras de acondicionamento da Praza de Cervantes
As obras na Praza de Cervantes están listas para o seu comezo, trala adxudicación da dirección da obra. Esta actuación suporá un investimento de 420.708 euros.
REHABILITACIÓN
O Concello selecciona o primeiro dos inmobles beneficiario do Programa de edificios tutelados
Un inmoble situado na Rúa do Medio, 65, composto por tres vivendas, foi o primeiro seleccionado polo Concello para participar no novo Programa de edificios tutelados. As obras neste edificio terán un custo total de 518.788 euros.
BENESTAR SOCIAL
Máis de tres millóns de euros para a prestación de servizos sociais
O Concello solicitará á Vicepresidencia da Igualdade e do Benestar unha subvención de 3.045.222 euros, destinados á prestación concertada de diversos servizos sociais. Esta petición, en resposta a unha convocatoria do organismo autonómico, pretende renovar algúns dos programas en funcionamento e a posta en marcha doutros novos en 2007.
AUDITORIO
O Auditorio ofrece unha visión global da obra plástica de Luís Seoane a través de 45 dos seus óleos
Un total de 45 óleos de Luís Seoane, a maioría deles pezas nunca expostas ata agora en Galicia, conforman a mostra "Luís Seoane, da costa de Circe á costa da Morte". A exposición inaugurarase o martes 27 de febreiro e permanecerá no Auditorio de Galicia ata o 29 de abril.
CULTURA
Ananda Dansa repasa no Principal 25 anos de traxectoria
"Alma" é o novo espectáculo da compañía Ananda Dansa, que estará no Teatro Principal o martes 27 e o mércores 28 de febreiro. Nesta actuación repasan os seus 25 de traxectoria.
EDUCACIÓN
Preséntase o programa educativo e unidades didácticas de "Non queimes o futuro"
A Consellería de Medio Rural e a Asociación Sociopedagóxica Galega están a poñer en marcha un programa de sensibilización medioambiental que leva por título "Non queimes o futuro", destinado especialmente aos centros escolares de primaria e secundaria de Galicia. A Conellaría de Educación e Mociade colabora con este programa pretende sensibilizar ao alumnado sobre a catástrofe que supón o lume forestal e crear unha conciencia activa na defensa do medio rural e natural.