ALCALDÍA
Os graniteiros premian a aposta de Compostela pola pedra
O alcalde compostelán, Xosé A. Sánchez Bugallo, recolleu o premio "Concello de Pedra", outorgado a Compostela pola Asociación Galega de Graniteiros en recoñecemento "á tradición milenaria da cidade no emprego da pedra". O galardón distingue a aqueles municipios que teñen o granito como protagonista nos seus planos urbanísticos.
ALCALDÍA
A zona sur dótase de novos servizos
O alcalde compostelán, Xosé A. Sánchez Bugallo, inaugurou o novo centro Eroski, situado en Volta do Castro. Diversos colectivos, empresarios e veciños participaron neste acto, co que unha das grandes cadeas de alimentación española consolida a súa implantación en Santiago.
TURISMO
Aeroliñas e xestores de aeroportos debaten as súas estratexias en Santiago
As III Xornadas de Aeroportos Rexionais, que se celebrarán entre o 13 e o 14 de decembro no Hostal dos Reis Católicos, convertirán a Santiago de Compostela en punto de encontro dos responsables dos aeroportos rexionais e das principais liñas aéreas que operan en España.
DEPORTES
Sar e Santa Isabel amplían horarios para abrir case 15.000 horas ao ano
As piscinas de Sar reabriron as súas portas tras unhas obras de remodelación. Esta ocasión foi aproveitada polo alcalde compostelán, Xosé A. Sánchez Bugallo para visitar as instalacións, cuxa reapertura coincide cunha ampliación de horarios nas instalacións xestionadas pola sociedade mixta Xestión de Actividades Deportivas e Espectáculos (XADE).
CULTURA
"Implícate!": música e palabras solidarias
A música, a danza, o teatro e a poesía daranse cita no Teatro Principal na terceira edición de "Implícate! noite de música e palabra solidaria", unha gala organizada por Implicadas no Desenvolvemento (IND) e presentada por Yolanda Castaño e Isabel Blanco. Será o domingo 16, ás 20:30 horas, e alí estará xente como Loretta Martín, Espido, Nova Galega de Danza, María Reimóndez, Iria Piñeiro, Paula Carballeira, María Lado, Antón Lopo, Estíbaliz Espinosa ou Miguel Anxo...
CULTURA
A Orquestra de Cámara Galega reivindica os compositores galegos nun concerto especial
O Auditorio de Galicia acolle o mércores 12 de decembro, ás 20:00 horas, un concerto da Orquestra de Cámara Galega, que interpretará un programa de dous compositores galegos: Rogelio Groba e Andrés Gaos. Difundir a música clásica feita en Galicia entre os propios galegos é o obxectivo deste evento.
TURISMO
O Fórum Gastronómico Santiago’08 preséntase en Lisboa ante os principais xornalistas de Portugal
O mércores 12 de decembro, no restaurante Eleven de Lisboa, terá lugar un xantar cos principais xornalistas gastronómicos de Portugal, que poderán coñecer de primeira man as características e iniciativas que propón o Fórum Gastronómico Santiago’08, que se celebrará entre o 16 e o 20 de febreiro de 2008 en Santiago de Compostela, e que reunirá aos mellores profesionais da cociña europea actual.
ALCALDÍA
O Real Aeroclub celebrou a festa da súa patroa
O Real Aeroclub de Santiago celebrou no seu local de Xeneral Pardiñas un acto na honra da patroa da aviación, a Virxe de Loreto, que por extensión é a patroa do club. O alcalde compostelán, Xosé A. Sánchez Bugallo, presidiu o evento, no que se entregaron diplomas aos novos pilotos.
ALCALDÍA
A cidade de Santiago reafirma o seu compromiso coa Declaración Universal dos Dereitos Humanos
Con motivo da celebración do Día dos Dereitos Humanos, o alcalde compostelán, Xosé A. Sánchez Bugallo, leu un manifesto no que se afirma o compromiso da cidade de Santiago cos obxectivos contidos na Declaración Universal dos Dereitos Humanos, proclamada hai 59 anos nesta data pola Asemblea Xeral das Nacións Unidas. Este acto enmarcouse na inauguración, na praza da Quintana, dunha exposición itinerante sobre cooperación galega organizada pola Dirección Xeral de Cooperación Exterior da Xunta.
TRANSPORTES
Tarifas dende medio euro por viaxe para os universitarios que empreguen o transporte urbano
O Goberno local aprobou o convenio de transporte urbano entre o Concello e a Universidade de Santiago para o período 2007-2010, ou sexa, durante tres cursos académicos. Os universitarios beneficiaranse así de bonificacións nas tarifas, de forma que poden viaxar dende 0,50 euros por viaxe.