DEPORTES
A Volta Ciclista a España visitará Compostela
Seguindo coa liña de colaboración existente entre a Xunta de Galicia e o Concello de Santiago, está previsto que o domingo día 2 de setembro chegue á nosa cidade a Volta Ciclista a España 2007, para o que se asinará o correspondente convenio en breve.
CULTURA
O Festiclown levará a risa e a solidariedade as rúas de Compostela con máis de 120 actuacións
O luns 30 de xullo arrinca o Festiclown, Festival Internacional de Clown de Galiza, un dos eventos máis emblemáticos da nosa cidade que enche as rúas e as prazas de Compostela de risa e solidariedade cada primeira semana de agosto. O pistoletazo de saída darao o Formaclown, programa de cursos de formación do Festiclown, e xa o mércores 1 de agosto comezarán os espectáculos que se manterán na cidade ata o domingo.
PROMOCIÓN ECONÓMICA
O técnico encargado da avaliación de Equal visita varias empresas para coñecer o desenvolvemento do proxecto
Un técnico de Estrutura de Apoio Equal, pertencente á Unidade Administradora do Fondo Social Europeo visitou o 26 e 27 de xullo varias empresas creadas no marco deste programa de fomento da cultura emprendedora e reuniuse con responsables e persoal de Equal Compostela Social, para coñecer o impacto do proxecto sobre o terreo.
COMERCIO
Bandas acreditativas para os mellores escaparates do verán
O concelleiro de Promoción Económica, Emprego, Comercio e Turismo, Xosé Manuel Iglesias, entregou as súas bandas acreditativas aos tres premiados na edición de verán do IV Concurso Municipal de Escaparatismo "SCQ Shopping". Belén Mosquera, Enjabonarte e Media Lúa foron os comercios galardoados.
CENTROS SOCIOCULTURAIS
O Centro Sociocultural de Villestro celebra o seu segundo aniversario con tres xornadas de variadas actividades
O concelleiro de Cultura e Centros Socioculturais, Néstor Rego presentou as xornadas coas que o Centro de Villestro celebra o seu segundo aniversario. O completo programa de actividades desenvolverase os días 26, 27 e 28 de xullo.
FESTAS
O alcalde anima aos máis pequenos a seguir exaltando o traxe galego durante moitos apóstolos
As Festas do Apóstolo viviron unha das súas citas máis tradicionais coa celebración do Día do Traxe Galego. Por vixésimo novena edición, as rúas da zona histórica enchéronse de xente ataviada co traxe e que participou activamente nas citas programadas. A recepción de honra no Concello foi especialmente numerosa e tivo nos máis cativos ás estrelas principais. O alcalde compostelán, Xosé A. Sánchez Bugallo, e a presidenta da Asociación do Traxe Galego, Pilar Domínguez,...
PLENO
A recuperación da antiga papeleira de Brandía permitirá completar a oferta hoteleira da cidade con servizos vinculados á auga
O Pleno municipal aprobou definitivamente o Plan especial de protección e rehabilitación do conxunto fabril da antiga papeleira de Brandía, en Vidán. "Este proxecto vén a completar a oferta hoteleira de calidade na nosa cidade, ofrecendo servizos agora moi demandados, vinculados á utilización da auga como elemento terapéutico e de ocio", indicou a concelleira de Urbanismo e Vivenda, Mercedes Rosón.
FESTAS
Preto de 300 músicos percorrerán as rúas do Casco Histórico na XXIX Homenaxe ás Bandas Populares
A XXIX Homenaxe ás Bandas Populares presentouse nunha rolda de prensa na que estiveron presentes o concelleiro de Mocidade e Festas, Xosé Baqueiro; o organizador da xornada, Xosé Luis Bernal (Farruco); e a representante da Fundación Caixa Galicia, patrocinadora deste día, Patricia Maceira. O cartel desta edición foi deseñado por Xosé Miguel Tomé, que representa a época ténebre da súa última obra.
FESTAS
Harmonía pirotécnica e audiovisual na noite compostelá
As rúas e prazas de Compostela enchéronse con preto de 150.000 persoas na noite da véspera do Apóstolo. Todas elas puideron presenciar, dende a praza do Obradoiro e dende distintos puntos da cidade, o espectáculo de fogos, música e imaxes que serviu para dar a benvida ao día grande de Galicia.
FESTAS
O alcalde salienta no tradicional Bando do Apóstolo a gran hospitalidade dos composteláns e invita a todos a desfrutar das festas
A capital de Galicia celebra un ano máis o seu patrón, Santiago Apóstolo, no momento de iniciar un novo mandato municipal. Achegámonos ás festas coa satisfacción de ver que a nosa cidade é un punto de referencia para miles de visitantes que estes días a elixen para gozar das súas vacacións.