ALCALDÍA
Máis de 300 traballos aspiran ao I Premio Internacional "Compostela" para álbums ilustrados
Para o 2 de abril, Día Internacional do Libro Infantil e Xuvenil, está previsto o fallo do I Premio Internacional "Compostela" para álbums ilustrados, convocado polo Concello en colaboración coa editorial Kalandraka. Con tal motivo, o xurado estase a reunir no Centro Sociocultural do Ensanche. O alcalde, Xosé A. Sánchez Bugallo, visitou aos seus integrantes.
TURISMO
Xosé Manuel Iglesias visita a Sociedade Beneficente Rosalía de Castro e a Cámara Oficial Española de Comercio en Brasil
Aproveitando a súa estancia na cidade brasileira de São Paulo, o concelleiro de Promoción Económica e Turismo, Xosé Manuel Iglesias, está a manter varias reunións de traballo con diversos axentes. Así, logo de ser recibido polo equipo directiva da Sociedade Hispano Brasileira, Iglesias visitou a Sociedade de Beneficencia Rosalía de Castro e a Cámara Oficial española de Comercio en Brasil.
ALCALDÍA
O Concello ofrecerá ao IMELGA unha parcela axeitada para a súa nova sede
O Instituto de Medicina Legal de Galicia (IMELGA) ten proxectado construír unha nova sede e o Concello colaborará na cesión dunha parcela axeitada para o edificio. Para falar deste tema, o alcalde, Xosé A. Sánchez Bugallo, reuniuse en Raxoi co director do IMELGA, Benito López de Abajo, e co xefe do servizo de Patoloxía Forense, José Blanco Pampín.
REFORMA ADMINISTRATIVA
A Carpeta Cidadá engade aos seus servizos as solicitudes de certificados de empadroamento e de convivencia
A concelleira de Réxime Interior e Reforma Administrativa, Rosa Fernández, presentou tres novos servizos que xa ofrece a Carpeta Cidadá desta web municipal: a posibilidade de solicitar en liña certificados de empadroamento e de convivencia, e a autoliquidación de plusvalías.
MEDIO AMBIENTE
O programa "Fogares Verdes" promoverá o aforro de enerxía e auga en 50 domicilios composteláns
O conselleiro de Industria, Fernando Blanco, a concelleira de Medio Ambiente, Elvira Cienfuegos, e a presidenta da Asociación para a Defensa Ecolóxica de Galiza (ADEGA), Adela Figueroa, asinaron un convenio de colaboración para executar o programa Fogares Verdes. Esta iniciativa promove o aforro enerxético e no consumo de auga nos fogares composteláns.
CULTURA
Teatro Galileo reflexiona sobre os efectos perversos da avaricia
Un dos clásicos de Molière, O avaro, chega ás táboas ao Principal na xornada na que se celebra o Día Mundial do Teatro. O xoves 27 e o venres 28, os composteláns teñen a oportunidade de gozar dunha obra que nunca deixa de estar de actualidade pola súa reflexión en torno aos efectos da avaricia.
COMERCIO
Media Lúa gaña o Concurso de Escaparatismo
A tenda de marroquinería Media Lúa, ubicada na rúa Travesa número 5, é o comercio gañador do IV Concurso Municipal de Escaparatismo "SCQ Shopping" 2007 , fallado o 26 de marzo e convocado pola Concellaría de Promoción Económica, Emprego, Comercio e Turismo. Media Lúa foi o establecemento que tivo unha maior presenza e continuidade ao longo das catro edicións anuais do certame, xa que quedou en primeira posición na edición de Primavera e en terceiro lugar nas de Verán e Outono.
COMERCIO
A Gala do Comercio homenaxeará a cinco establecementos de Santiago
Farmacia Valdés, Joyería Frade, Novedades Carmiña, Mercería Algui e Morandeira Moda son os cinco establecementos que van ser homenaxeados na III Gala do Comercio, "Compostela capital de compras", que celebrará o 10 de abril no Teatro Principal dentro do programa de actividades deseñadas baixo o lema Marzo, mes do comercio.
CULTURA
O Auditorio de Galicia abre o prazo para a renovación e venda de abonos para terceiro trimestre da tempada 2007-2008
O Auditorio de Galicia abre o prazo para a venda e renovación de abonos para o último trimestre da temporada. A renovación de abonos poderá facerse no despacho de billetes do Auditorio de Galicia, os días 28 e 29 de marzo e a venda de novos abonos será os días 31 de marzo e 1 de abril, de 12:00 a 14:00 horas.
CULTURA
Schellenberger volve a Santiago para dirixir á Real Filharmonía de Galicia
O concerto da Real Filharmonía do xoves 27 de marzo, ás 21:00 horas, contará co director alemán Hansjörg Schellenberger como protagonista absoluto. Como director, ten preparado un programa pouco habitual, no que destaca unha peza de Michael Haydn, irmán do máis célebre célebre Joseph Haydn, sobre a cal o director alemán ten estudado e reflexionado moito ata conseguir a execución que dela escoitará o público que se achegue ata o Auditorio de Galicia.