CONSORCIO
Frances E. Allen, Premio Turing 2006, primeira muller que se suma ao programa ConCiencia
Frances Elizabeth Allen, premio Turing 2006, será a primeira muller que se incorpore á galería de personalidades que teñen pasado por Compostela ao abeiro do programa ConCiencia, organizado pola Universidade de Santiago e colaboración co Consorcio de Santiago e a Fundación Caixa Galicia.
SEGURIDADE CIDADÁ
Santiago quedará cun Parque de Bombeiros municipal mellorado e cunha nova infraestrutura
A concelleira de Mobilidade e Seguridade Cidadá, Marta Álvarez-Santullano, anunciou que o Parque de Bombeiros de Santiago terá unicamente ámbito municipal, tras a decisión da Xunta de construír o parque comarcal en Ames ou Brión, probablemente o primeiro. Deste xeito, segundo destacou, o parque compostelán quedará "coa situación que antes tiña, pero con novo material, máis efectivos e unha nova infraestrutura en Salgueiriños".
CONSORCIO
Presentados os primeiros tomos da colección xuvenil do Consorcio sobre as figuras do Mestre Mateo e Diego Xelmírez
O mestre Mateo e Diego Xelmírez son as figuras arredor das cales vota a andar a nova colección xuvenil do Consorcio baixo o lema de Historias de Santiago, en colaboración con Edicións Nigra Trea. As dúas publicacións foron presentadas polo alcalde compostelán e presidente do Consorcio, Xosé A. Sánchez Bugallo.
TURISMO E CULTURA
Curtocircuíto proxectará 259 curtas procedentes de 40 países
A V edición do Festival Internacional de Curtametraxes de Santiago de Compostela, Curtocircuíto, celebra a súa semana oficial do 17 ao 24 de outubro. É a primeira vez que o certame dura unha semana, co obxectivo de consolidado como o festival máis importante da Península ibérica, tanto pola cantidade e calidade das curtas recibidas como polo público asistente.
PROMOCIÓN ECONÓMICA
O programa Compostela Activa 2008 recibe 66 solicitudes de participación
O programa de promoción do emprendemento Compostela Activa 2008, que desenvolve a Concellaría de Promoción Económica, Emprego, Comercio e Turismo, recibiu 66 solicitudes de participación nas dúas convocatorias coas que conta. 39 solicitudes presentáronse á convocatoria de Axudas para a creación de novas empresas. As outras 27 foron para o Concurso de Novas Ideas Empresariais, que ten como obxectivo facilitar a posta en marcha dun negocio.
ALCALDÍA
O Consello Económico e Social aproba o documento definitivo do Plan Estratéxico
O alcalde compostelán, Xosé A. Sánchez Bugallo, presidiu esta tarde a xuntanza do Consello Económico e Social que aprobou o documento definitivo coas liñas de execución do Plan Estratéxico da cidade. Dáse así o visto bo á aplicación dun Plan que, xunto co PXOM, marcará a evolución de Compostela durante 12 anos, entre 2008 e 2020.
ALCALDÍA
A conxelación da taxa do lixo sitúa o incremento real das tarifas públicas nun 3%
Na súa rolda de prensa semanal, o alcalde aludiu ás ordenanzas fiscais para 2009, aprobadas o luns 6 pola Xunta de Goberno. Aclarou que a suba real é do 3%, malia a aplicación do 4,9% do IPC, xa que a tarifa máis importante, a do lixo –que supón uns 6 millóns de euros, non sube. En calquera caso, recordou Sánchez Bugallo que a suba do IPC coincide coa revisión polo mesmo concepto da maioría de contratos do Concello.
ALCALDÍA
O alcalde reitera o seu convencemento respecto ao teleférico e o apoio ao proxecto de todos os axentes sociais da cidade
"Contento e moi convencido da nosa posición". Así se manifestou o alcalde compostelán, Xosé A. Sánchez Bugallo, tras a súa reunión co director do Centro Mundial do Patrimonio, Francesco Bandarin. Neste sentido, reiterou "a necesidade desta proposta", que responde "ao reto da cidade de integrar a Cidade da Cultura no tecido urbano".
EDUCACIÓN
A escola infantil do Polígono do Tambre, lista para o curso 2009-2010
A concelleira de Educación, Guadalupe Rodríguez, visitou as obras da escola infantil do Polígono do Tambre. Segundo indicou, a previsión é que o edificio estea listo en sete ou oito meses, co obxectivo de que a escola poda abrir as súas portas no curso 2009-2010.
ALCALDÍA
Os rapaces de Santiago contarán cun novo espazo para actividades lúdicas e de coñecemento do medio na primavera
O alcalde compostelán, Xosé A. Sánchez Bugallo, visitou esta mañá a antiga escola rural da Portela (Figueiras), que alberga a Aula de Coñecemento do Medio Rural tralas obras de reforma e ampliación que nela se levaron a cabo cun orzamento de 389.420 euros. Deste investimento, AGADER subvenciona o 85%.